ഇന്ത്യൻ ക്രിക്കറ്റ് താരം വിരാട് കോലി യുകെയിലേക്കു താമസം മാറ്റാൻ ആലോചിക്കുന്നതായി കോലിയുടെ ആദ്യകാല പരിശീലകൻ രാജ്കുമാർ ശർമ അറിയിച്ചു. കുടുംബത്തോടൊപ്പം ലണ്ടനിൽ ഒരു വീട് വാങ്ങി താമസിക്കാൻ കോലിക്ക് താൽപര്യമുണ്ടെന്ന് അദ്ദേഹം ഒരു ദേശീയ മാധ്യമത്തോട് പറഞ്ഞു. ഇപ്പോൾ കോലി ബോർഡർ–ഗാവസ്കർ ട്രോഫി ടെസ്റ്റ് പരമ്പരയുടെ ഭാഗമായി ഓസ്ട്രേലിയയിൽ ആണ്. Indian cricketer Virat Kohli is reportedly planning to settle in London
“വിരാടിന് ഭാര്യയും മക്കളും കൂടെ ലണ്ടനിലേക്കു പോയി താമസിക്കാൻ ആഗ്രഹമുണ്ട്. അദ്ദേഹം ഉടൻ തന്നെ ഇന്ത്യ വിട്ട് അവിടെ സ്ഥിരതാമസമാക്കും,” എന്ന് രാജ്കുമാർ ശർമ പറഞ്ഞു. “കോലി ഇപ്പോൾ തന്റെ കരിയറിലെ ഏറ്റവും മികച്ച പ്രകടനമാണ് നടത്തുന്നത്. ഓസ്ട്രേലിയക്കെതിരായ ആദ്യ ടെസ്റ്റിൽ അദ്ദേഹം സെഞ്ചറി നേടി. അടുത്ത മത്സരങ്ങളിൽ കോലി രണ്ട് സെഞ്ചറികൾ കൂടി നേടുമെന്നു എനിക്ക് തോന്നുന്നു.” അദ്ദേഹം പറയുന്നു.
