ഹൈദരാബാദ്: തെലങ്കാനയിൽ ശക്തമായ ഭൂചലനം. മുളുഗു ജില്ലയിൽ ഇന്ന് രാവിലെ 7:27 നാണ് ഭൂമികുലുക്കം അനുഭവപ്പെട്ടത്. റിക്ടര്‍ സ്കെയിൽ 5.3 തീവ്രത രേഖപ്പെടുത്തി. ഗോദാവരി നദീതീരമാണ് ഭൂചലനത്തിന്‍റെ പ്രഭവ കേന്ദ്രം.(5.3-magnitude earthquake strikes Telangana)
ഹൈദരാബാദിൽ ഉൾപ്പെടെ പ്രകമ്പനം ഉണ്ടായെന്നാണ് പുറത്തു വരുന്ന വിവരം. തെലങ്കാനയിൽ കഴിഞ്ഞ 20 വര്‍ഷത്തിനിടെ അനുഭവപ്പെട്ട ഏറ്റവും ശക്തമായ ഭൂചലനമാണിതെന്ന് അധികൃതര്‍ അറിയിച്ചു. വിജയവാഡയിലെ ചില പ്രദേശങ്ങളിലും ഭൂചലനം അനുഭവപ്പെട്ടതായാണ് റിപ്പോർട്ട്.
പല ഇടങ്ങളിലും ശക്തമായ പ്രകമ്പനാമാണ് ഉണ്ടായത്. വീടുകളിൽ നിന്നും പരിഭ്രാന്തരായ ജനങ്ങൾ ഇറങ്ങിയോടി. അതേസമയം ഭൂചലനത്തിൽ ആളപായമോ നാശനഷ്ടങ്ങളോ നിലവിൽ റിപ്പോര്‍ട്ട് ചെയ്തിട്ടില്ല. നിലവിൽ ആശങ്കപെടേണ്ട സാഹചര്യമില്ല. എന്നാൽ ബലക്ഷയമുള്ള കെട്ടിടങ്ങളിൽ ആളുകൾ തുടരരുതെന്നും ജാഗ്രത പാലിക്കണമെന്നും അധികൃതര്‍ മുന്നറിയിപ്പ് നൽകി.
