പാലക്കാട്: ഒറ്റപ്പാലത്ത് വീട്ടുമുറ്റത്ത് കളിച്ചുകൊണ്ടിരിക്കുമ്പോൾ നാലു വയസുകാരൻ കിണറ്റിൽ വീണ് മരിച്ചു. ഒറ്റപ്പാലം ചുനങ്ങാട് കിഴക്കേതിൽ തൊടി വീട്ടിൽ ജിഷ്ണുവിന്റെ മകൻ അദ്വിലാണ് മരിച്ചത്.
വീട്ടുമുറ്റത്ത് കളിച്ചുകൊണ്ടിരിക്കുമ്പോൾ ആൾമറയില്ലാത്ത കിണറ്റിലേക്ക് അബദ്ധത്തിൽ വീണ് മരിക്കുകയായിരുന്നു. ഇന്ന് രാവിലെ 11.15നാണ് അപകടം നടന്നത്.
ബന്ധുക്കളുടെ നിലവിളി കേട്ട് ഓടിക്കൂടിയ നാട്ടുകാരാണ് കിണറിലിറങ്ങി കുട്ടിയെ മുകളിലേക്ക് കയറ്റിയത്. പക്ഷെ പുറത്തെടുക്കനുമ്പോഴേക്കും മരണം സംഭവിച്ചിരുന്നു. വീട്ടുമുറ്റത്ത് തന്നെ ചെങ്കല്ലുകൊണ്ട് കെട്ടിയ കിണറിന് ആൾമറയുണ്ടായിരുന്നില്ല.
