തിരുവനന്തപുരത്ത് വീടിന്റെ ഷീറ്റ് തുളച്ച് വെടിയുണ്ട പതിച്ചു; ഫയറിങ് പരിശീലന കേന്ദ്രത്തിൽ നിന്ന് ലക്ഷ്യം തെറ്റി വന്നതെന്ന് സംശയം

തിരുവനന്തപുരം: വീടിനുള്ളിൽ വെടിയുണ്ട പതിച്ചതായി കണ്ടെത്തി. തിരുവനന്തപുരം മലയിൻകീഴ് വിളവൂർക്കലാണ് സംഭവം. വീടിന്റെ ഷീറ്റ് തുളച്ചാണ് വെടിയുണ്ട അകത്ത് പതിച്ചിരിക്കുന്നത്.(Gun bullet hit a house in Thiruvananthapuram)

സംഭവ സമയത്ത് വീട്ടുകാർ സ്ഥലത്തില്ലാത്തതിനാൽ വൻ ദുരന്തമാണ് ഒഴിവായത്. സമീപത്തെ ഫയറിങ് പരിശീലന കേന്ദ്രത്തിൽ നിന്ന് ലക്ഷ്യം തെറ്റി വെടിയുണ്ട എത്തിയതാകാമെന്നാണ് നി​ഗമനം. സമാന രീതിയിൽ സമീപത്തെ വീടുകളിൽ മുൻപും വെടിയുണ്ട പതിച്ചിട്ടുണ്ട്.

വീട്ടിലെ പുറത്ത് പോയി തിരിച്ചെത്തിയപ്പോഴാണ് ഹാളിലെ സോഫയിൽ വെടിയുണ്ട കണ്ടത്. പരിശീലന കേന്ദ്രത്തിൽ ഇന്ന് ഫയറിങ് പരിശീലനം നടന്നിരുന്നു. സംഭവത്തിൽ മലയൻകീഴ് പോലീസ് അന്വേഷണം ആരംഭിച്ചു.