ഊഞ്ഞാൽ ആടുന്നതിനിടയിൽ സിമന്റ് തൂണ് ഇളകി ദേഹത്ത്‌ വീണു; നാലു വയസ്സുകാരന് ദാരുണാന്ത്യം; സംഭവം തിരുവനന്തപുരത്ത്

ഊഞ്ഞാൽ ആടുന്നതിനിടയിൽ സിമന്റ് തൂണ് ഇളകി ദേഹത്ത്‌ വീണ്‌ നാലു വയസ്സുകാരന് ദാരുണാന്ത്യം. രാജേഷ്- ചിഞ്ചു ദമ്പതിമാരുടെ മകൻ ഋതിക്(4) ആണ് മരിച്ചത്. തിരുവനന്തപുരം കാരക്കോണം ത്രേസ്യാപുര ത്താണ് ദാരുണ സംഭവം ഉണ്ടായത്. വീടിനോട് ചേർന്ന് സിമന്റ് തൂണിൽ സാരി ഉപയോ​ഗിച്ച് കെട്ടിയ ഊഞ്ഞാലിൽ ആടുന്നതിനിടെ സിമന്റ് തൂണ് തകർന്ന് കുഞ്ഞിന്റെ പുറത്തു വീഴുകയായിരുന്നു. A four-year-old boy died when a cement pillar fell on his body

രാജേഷ്- ചിഞ്ചു ദമ്പതിമാരുടെ മൂന്നാമത്തെ മകനാണ് ഋതിക്. ഋതികിന്റെ അച്ഛന് സുഖമില്ലാത്തതിനാൽ മാതാപിതാക്കൾ രണ്ടുപേരും ആശുപത്രിയിൽ പോയ സമയത്താണ് അപകടം നടന്നത്. സമീപത്തെ ബന്ധുവിന്റെ വീട്ടിൽ കുട്ടിയെ ഏൽപ്പിച്ചായിരുന്നു ഇരുവരും പോയത്.

അപകടം ഉണ്ടായ ഉടൻ തന്നെ കുട്ടിയെ കാരക്കോണം മെഡിക്കൽ കോളേജിലെത്തിച്ചെങ്കിലും രക്ഷിക്കാനായില്ല. മൃതദേഹം കാരക്കോണം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്. സഹോദരങ്ങൾ: റിയ രാജേഷ്, റിഥു രാജേഷ്.