ലണ്ടനിലെ അഫ്ഗാൻ എബസി അടച്ചുപൂട്ടാനൊരുങ്ങി അഫ്ഗാനിലെ താലിബാൻ ഭരണകൂടം. മുൻ സർക്കാർ നിയമിച്ച ജീവനക്കാരെ പിരിച്ചുവിട്ടതിനെ തുടർന്നാണ് തീരുമാനം. മുൻ അഫ്ഗാൻ ഭരണകൂടം ഒട്ടേറെ രാജ്യങ്ങളുമായി നയതന്ത്ര ബന്ധം സ്ഥാപിച്ചിരുന്നു. Afghan government to close UK embassy
എന്നാൽ മുൻ ഭരണകൂടം സ്ഥാപിച്ച ഒട്ടേറെ രാജ്യങ്ങളുമായി ബന്ധം വിച്ഛേദിക്കുന്നതായി നിലവിലെ താലിബാൻ ഭരണകൂടം പ്രഖ്യാപിച്ചിരുന്നു. മുൻ സർക്കാർ ജീവനക്കാരെ പിരിച്ചുവിട്ട് താലിബാന്റെ നിയന്ത്രണത്തിലേക്ക് എംബസി വരുന്നതിനെ യു.കെ.സർക്കാർ അനുകൂലിച്ചിരുന്നില്ല എന്നും റിപ്പോർട്ടുകൾ വരുന്നുണ്ട്.
കെൻസിംഗ്ടണിലെ പ്രിൻസസ് ഗേറ്റിലുള്ള എംബസിയിലെ മുൻ അഫ്ഗാൻ സർക്കാർ ജീവനക്കാരോട് ഒന്നുകിൽ യു.കെ.വിടാനോ രാഷ്ട്രീയ അഭയത്തിനൊ അപേക്ഷിക്കാനായി യു.കെ.അധികൃതർ നിർദേശിച്ചതായി അന്താരാഷ്ട്ര മാധ്യമങ്ങൾ പറയുന്നു.
