സ്വര്ണത്തട്ടിപ്പുകേസില് മുഖ്യപ്രതിയും ബാങ്ക് ഓഫ് മഹാരാഷ്ട്ര വടകര ശാഖയിലെ മുന് മാനേജറുമായ മധാ ജയകുമാര് തെലങ്കാനയിൽ പിടിയില്. ജില്ലാ ക്രൈം ബ്രാഞ്ച് സംഘമാണ് ഇയാളെ പിടികൂടിയത്. 42 അക്കൗണ്ടുകളില്നിന്നായി 26.24 കിലോ സ്വര്ണം നഷ്ടപ്പെട്ടെന്നാണ് ബാങ്കിന്റെ പരാതി.Case of smuggling 26.4 kg of gold from bank in Vadakara: Bank manager who was absconding arrested.
അടിപിടി കേസില് തെലങ്കാന പോലീസിന്റെ പിടിയിലായപ്പോഴാണ് വടകരയില് ഇയാള്ക്കെതിരേ തട്ടിപ്പ് കേസ് ഉള്ളതായി തെലങ്കാന പോലീസ് മനസ്സിലാക്കിയത്. തുടര്ന്ന് വടകര പോലീസിനെ ഇവർ വിവരം അറിയിച്ചു. തുടർന്ന് വടകരയില്നിന്ന് പോലീസ് സംഘം തലങ്കാനയിലെത്തി ഇയാളെ അറസ്റ്റ് ചെയ്യുകയായിരുന്നു.
ഇയാൾ കടത്തിക്കൊണ്ടുപോയതെന്നു പറയുന്ന 26.24 കിലോഗ്രാം സ്വര്ണം ഉള്പ്പെടെ കണ്ടെത്തേണ്ടതുണ്ട്. മറ്റാരുടെയെങ്കിലും സഹായം ജയകുമാറിന് ലഭിച്ചിരുന്നോയെന്നും പോലീസ് അന്വേഷിക്കുന്നുണ്ട്. കോയമ്പത്തൂര് മേട്ടുപ്പാളയം സ്വദേശിയാണ് മധാ ജയകുമാര്.
