പൂച്ചയെ തിന്നുകയോ? കൊച്ചി മറൈൻഡ്രൈവിലെ മഴവിൽ പാലത്തിൽ ഇരിക്കുന്ന വിൽപ്പനക്കാരന്റെ ചോദ്യം ഇതാണ്. വില്പനയ്ക്ക് വെച്ചിരിക്കുന്ന ഉണക്കിയ പൂച്ചക്കുട്ടി രണ്ടെണ്ണത്തിന് 500 രൂപ പുഴുങ്ങിയതിന് 600 !
എന്നാൽ, ഇത് വെറും പാവയാണ് എന്നറിയുമ്പോൾ ആളുകൾ അമ്പരന്നു നോക്കും. അവർക്കു നേരെ കടക്കാരൻ ഒരു പ്ലക്കാർഡ് ഉയർത്തി കാണിക്കുന്നു. പൂച്ചയെ തിന്നാനാവില്ലെങ്കിൽ മീൻ എന്തിന്? PETA’s campaign for International Cat Day in marine drive
എന്താണ് സംഭവം എന്നല്ലേ? രാജ്യാന്തര പൂച്ച ദിനത്തോട് അനുബന്ധിച്ച് മൃഗസ്നേഹികളുടെ സംഘടനയായ പെറ്റ ആണ് ഈ വ്യത്യസ്തമായ കച്ചവടത്തിന് പിന്നിൽ. നിങ്ങൾക്ക് പൂച്ചയെ തിന്നാൻ ആവില്ലെങ്കിൽ പിന്നെ എന്തിന് മീൻ കഴിക്കുന്നു എന്നാണ് ചോദ്യം.
പൂച്ചകളെ പോലെ തന്നെ മീനുകൾക്കും വേദനയുണ്ട്. നിങ്ങൾ പൂച്ചയെ തിന്നുന്നില്ലെങ്കിൽ മീനും കഴിക്കരുത് എന്നാണ് ഇവർ പറയുന്നത്. പൂച്ചയുടെ പാവ ഉപയോഗിച്ചായിരുന്നു പ്രചാരണം. നിരവധി ആളുകളാണ് ഈ വ്യത്യസ്തമായ കച്ചവടം കാണാൻ എത്തുന്നത്.
