കുപ്‍വാര: കശ്മീരിലെ കുപ്‌വാരയിൽ നടന്ന ഏറ്റുമുട്ടലിൽ സൈനികർ രണ്ട് ഭീകരരെ വധിച്ചു. നിയന്ത്രണരേഖയ്ക്ക് സമീപമുണ്ടായ ഏറ്റുമുട്ടലിലാണ് രണ്ട് ഭീകരർ കൊല്ലപ്പെട്ടത്. ഇന്ന് പുലർച്ചെ കശ്മീരിലെ ദോഡ ജില്ലയിലും ഏറ്റുമുട്ടൽ നടന്നിരുന്നു.(Clash again at Kupwara; Army killed two terrorists)
ഏറ്റുമുട്ടലിൽ രണ്ട് സൈനികര്‍ക്ക് പരിക്കേറ്റെന്നും റിപ്പോർട്ട് ഉണ്ട്. പുലര്‍ച്ചെ ഏകദേശം 2 മണിക്കാണ് ഏറ്റുമുട്ടൽ നടന്നത്. തിരച്ചില്‍ ഓപ്പറേഷന് വേണ്ടി പ്രദേശത്തെ സര്‍ക്കാര്‍ സ്‌കൂളില്‍ സെെനികർ സ്ഥാപിച്ച താല്‍ക്കാലിക ക്യാമ്പിന് നേരെ ഭീകരര്‍ ആക്രമണം നടത്തുകയായിരുന്നു. സെെനികർ തിരിച്ചടിച്ചതോടെ ഏറ്റുമുട്ടല്‍ ഒരുമണിക്കൂറോളം നീണ്ടു. പ്രദേശത്ത് ഭീകരർക്കായി തിരച്ചില്‍ തുടരുകയാണെന്ന് സൈനിക വൃത്തങ്ങള്‍ അറിയിച്ചു.
