തിരുവന്തപുരം: കെഎസ്ഇബി ഓഫീസുകളില് സിസിടിവി ക്യാമറകള് സ്ഥാപിക്കാന് തീരുമാനം. ഓഫീസുകൾക്ക് നേരെ നടന്ന ആക്രമണങ്ങളുടെ പശ്ചാത്തലത്തിലാണ് നടപടി. കഴിഞ്ഞ ഒരുവര്ഷത്തിനിടെ 24 കെഎസ്ഇബി ഓഫീസുകള്ക്ക് നേരെയാണ് ആക്രമണങ്ങൾ നടന്നത്.(cctv cameras will be installed in kseb offices)
ക്യാഷ് കൗണ്ടര്, പ്രധാന ഉദ്യോഗസ്ഥര് ഇരിക്കുന്ന ഇടങ്ങള്, ഓഫീസിന്റെ പ്രധാനഭാഗങ്ങളെല്ലാം ഉള്പ്പെടുന്ന രീതിയിലാകും ക്യാമറകള് സ്ഥാപിക്കുക. ദൃശ്യങ്ങള് റെക്കോര്ഡ് ചെയ്യുന്നതിനൊപ്പം ഓഡിയോ കൂടി റെക്കോര്ഡ് ചെയ്യുന്ന സംവിധാനവും ഒരുക്കും. ഇത്തരം അക്രമങ്ങളില് പൊലീസ് കേസുകള് വരുമ്പോള്, ആവശ്യമായ തെളിവുകള് ഹാജരാക്കാനാവാതെ വരുന്ന സാഹചര്യം ഒഴിവാക്കാനാകുമെന്നാണ് കെഎസ്ഇബിയുടെ വിലയിരുത്തല്.
കൂടാതെ കെഎസ്ഇബി ഓഫീസുകളിലെ ലാന്ഡ് ഫോണുകളിലേക്ക് വരുന്ന കോളുകള് റെക്കോര്ഡ് ചെയ്യാനും കെഎസ്ഇബി തീരുമാനിച്ചിട്ടുണ്ട്.
