കൊച്ചി: കോളജുകളിലും സര്വകലാശാലകളിലും പുറത്തു നിന്നുള്ള കലാപരിപാടികൾ നടത്തുന്നതിന് പ്രിന്സിപ്പല്മാര് അനുമതി നല്കണമെന്ന സംസ്ഥാന സര്ക്കാര് വിജ്ഞാപനത്തിലെ നിര്ദേശം സ്റ്റേ ചെയ്ത് ഹൈക്കോടതി. എയ്ഡഡ് കോളജുകളിലെ പ്രിന്സിപ്പല്മാരുടെ സംഘടന നൽകിയ റിട്ട് ഹര്ജി പരിഗണിച്ചാണ് ജസ്റ്റിസ് എം സിയാദ് റഹ്മാന്റെ ഉത്തരവ്. സര്ക്കാര് ഉത്തരവിലെ ക്ലോസ് 3 (12) ലാണ് ഇത് സംബന്ധിച്ച് പറയുന്നത്.(High court stays government order on outside program on campus)
വിജ്ഞാപനത്തില് പറയുന്ന പ്രകാരം അനുമതി നല്കുന്നത് ബുദ്ധിമുട്ടുണ്ടാക്കുന്നുവെന്ന് ചൂണ്ടിക്കാട്ടിയാണ് റിട്ട് ഹര്ജി സമര്പ്പിച്ചിരുന്നത്. വിദ്യാര്ഥികള്ക്ക് സ്വന്തമായി പരിപാടികള് സംഘടിപ്പിക്കാനും ഷെഡ്യൂള് ചെയ്യാനും ഫണ്ട് നല്കാനും അനുവദിക്കുന്ന വ്യവസ്ഥയാണ് ഹര്ജിക്കാര് ചോദ്യം ചെയ്തത്. കോളജിന്റെ സുരക്ഷയെയും അച്ചടക്കത്തെയും ബാധിക്കുമെന്നും ഹര്ജിയില് പറയുന്നു.
കുട്ടികളടക്കം വലിയ ജനക്കൂട്ടത്തെ താങ്ങാൻ സൗകര്യമില്ലാത്തതാണ് കോളജുകളിലെ ഓഡിറ്റോറിയങ്ങൾ. വലിയ ആൾക്കൂട്ടത്തെ കൈകാര്യം ചെയ്യാനുള്ള പരിശീലനം ലഭിച്ചവരല്ല പ്രിൻസിപ്പലും അധ്യാപകരും. എന്നാൽ ഇത്തരം പരിപാടികൾ നടക്കുമ്പോൾ ഉത്തരവാദിത്വം മുഴുവൻ പ്രിൻസിപ്പലിനും അധ്യാപകർക്കുമാണ്. 2015-ൽ പുറത്തു നിന്നുള്ള പരിപാടികൾ വിലക്കി സർക്കാർ ഉത്തരവ് പുറപ്പെടുവിച്ചിരുന്നു. എന്നാൽ ഈ വർഷം ഡി.ജെ. അടക്കമുള്ള സംഗീതപരിപാടികൾക്ക് അനുമതി നൽകുകയായിരുന്നു.
Read Also: എന്താണ് എഐ ഹാലൂസിനേഷൻ ? സൂക്ഷിച്ചില്ലെങ്കിൽ ഇത് നമ്മെ അപകടത്തിലേക്ക് നയിച്ചേക്കാം !
Read Also: പെട്രോൾ പമ്പ് ജീവനക്കാരനെ കാറിടിച്ച് കൊല്ലാൻ ശ്രമം; പൊലീസുകാരൻ അറസ്റ്റിൽ
