ഒടുവിൽ ജയ്സ്വാൾ ഫോമിലെത്തി. മുംബൈ ഇന്ത്യൻസിനെ അമ്പേ പരാജയപ്പെടുത്തിസഞ്ജുവിന്റെ രാജസ്ഥാൻ റോയൽസ് വീണ്ടും ഹീറോയിസം കാണിച്ചു. ജയ്പൂരിൽ ഇന്നലെ നടന്ന മത്സരത്തിൽ 9 വിക്കറ്റിന്റെ വിജയമാണ് രാജസ്ഥാൻ റോയൽസ് നേടിയത്. 180 എന്ന ലക്ഷ്യം ചെയ്സ് ചെയ്ത രാജസ്ഥാൻ 19ആം ഓവറിൽ ലക്ഷ്യത്തിൽ എത്തി. സെഞ്ച്വറിയുമായി ജയ്സ്വാൾ ഫോമിലേക്ക് ഉയർന്നതാണ് രാജസ്ഥാന് ഏറെ ആശ്വാസകരമായത്. ജയ്സ്വാൾ 60 പന്തിൽ നിന്ന് ആകെ 104 റൺസ് എടുത്തു. 7 സിക്സും 9 ഫോറും അടങ്ങുന്നതായിരുന്നു ജയ്സ്വാളിന്റെ ഇന്നിംഗ്സ്. സഞ്ജു സാംസൺ 28 പന്തിൽ 38 റൺസും എടുത്തു. രാജസ്ഥാന്റെ എട്ട് മത്സരങ്ങളിലെ ഏഴാം വിജയമാണിത്. 14 പോയിന്റുമായി അവർ ലീഗിൽ ഒന്നാമത് തുടരുന്നു.രാജസ്ഥാന്റെ രണ്ട് ഓപ്പണിങ് ബാറ്റർമാരും ഇന്ന് ഫോമിലെത്തി. ഇതോടെ പവർ പ്ലേയിൽ 61 റൺസ് എടുക്കാൻ കഴിഞ്ഞു.
പവർ പ്ലേ കഴിഞ്ഞതിനു പിന്നാലെ കളി തടസ്സപ്പെടുത്തി മഴ എത്തി. ഡക്ക്വർത്ത് ലൂയിസ് നിയമപ്രകാരം രാജസ്ഥാൻ റോയൽ അപ്പോൾ മുന്നിൽ ആയിരുന്നു. 41 റൺസ് മാത്രം അവർക്ക് ആ സമയത്ത് വേണ്ടിയിരുന്നുള്ളൂ. അരമണിക്കൂറോളം മഴ കളി തടസ്സപ്പെടുത്തി എങ്കിലും ഓവറുകൾ നഷ്ടപ്പെട്ടില്ല. കളി പുനരാരംഭിച്ചപ്പോൾ 35 റൺസ് എടുത്ത ബട്ലറിന്റെ വിക്കറ്റ് രാജസ്ഥാന് നഷ്ടമായി. പിയൂഷ് ചൗളയാണ് വിക്കറ്റ് നേടിയത്. ഇതോടെ സഞ്ജു ജയ്സ്വാളിനിപ്പം ചേർന്നു. ജയ്സ്വാൾ 31 പന്തിൽ തന്റെ അർധ സെഞ്ച്വറിയിൽ എത്തി. ഈ സീസൺ ഐ പി എല്ലിലെ ജയ്സ്വാളിന്റെ ആദ്യ അർധ സെഞ്ച്വറി ആയിരുന്നു ഇത്.
പിന്നീട് സഞ്ജുവും ജയ്സ്വാളും അപരാജിത കൂട്ടുകെട്ടുമായി രാജസ്ഥാനെ ജയത്തിൽ എത്തിച്ചു. അവസാന 6 ഓവറിൽ 45 റൺസ് മാത്രമെ രാജസ്ഥാന് വേണ്ടിയിരുന്നുള്ളൂ. ബുമ്ര എറിഞ്ഞ 15ആം ഓവറിൽ 16 റൺസ് വന്നതോടെ 5 ഓവറിൽ 29 റൺസ് ആയി ടാർഗറ്റ് കുറഞ്ഞു. 16 ഓവറിൽ രാജസ്ഥാൻ 160ൽ എത്തി. പിന്നെ ജയിക്കാൻ 4 ഓവറിൽ 20 റൺസ് മാത്രം. ഇത് 3 ഓവറിൽ 10 എന്നായി കുറഞ്ഞു. 19ആം ഓവറിൽ ജയ്സ്വാൾ സെഞ്ച്വറി പൂർത്തിയാക്കി. പിന്നാലെ അവർ വിജയ റൺസും നേടി.
Read also: ഓഫീസ് വല്ലാതെ ബോറടിക്കുന്നോ…? ഈ 10 നിസ്സാരകാര്യങ്ങൾ ഓഫീസിൽ ചെയ്തുനോക്കൂ….ഇനി ഓഫീസ് സ്വർഗ്ഗമാകും !
