തെറ്റായ തർജ്ജമ മൂലം എട്ടിന്റെ പണി കിട്ടി റെയിൽവേ. ഹാട്ടിയ എറണാകുളം എക്സ്പ്രസിൽ ആണ് തർജ്ജമയിലെ വില്ലൻ കയറിക്കൂടിയത്. ട്രെയിനിൽ ഹാട്ടിയ എന്നത് കൊലപാതകം എന്നു തർജ്ജമ ചെയ്തു ബോഗിയിൽ എഴുതിയതാണ് വിനയായത്. ‘ശ് ശ് ശ്….ആരും അവരോട് പറയരുത്’ എന്ന കുറിപ്പോടെ ഒരു എക്സ് ഉപഭോക്താവാണ് റെയില്വെയ്ക്ക് പറ്റിയ അബദ്ധത്തിന്റെ ഫോട്ടോ പങ്കുവെച്ചിരിക്കുന്നത്. ഇത് സോഷ്യൽ മീഡിയയിൽ വൈറൽ ആയതോടെ റെയിൽവേക്കെതിരെ വലിയ തോതിലുള്ള വിമർശനം ഉയർന്നു. ഹിന്ദിയിൽ ഹാട്ടിയ എന്നത് ഹത്യ എന്ന വാക്കായി തെറ്റിദ്ധരിച്ച് തർജ്ജമ ചെയ്യുകയായിരുന്നു. ഹിന്ദിയിൽ ഹത്യ എന്ന വാക്കിന്റെ അർത്ഥം കൊലപാതകം എന്നാണ്. മലയാളത്തിലാക്കിയ ഈ തർജ്ജമ ട്രെയിന്റെ ബോഗിയിൽ എഴുതിയതോടെയാണ് സംഭവം ആളുകൾ അറിഞ്ഞ് നാണക്കേടായത്. വിഷയം സോഷ്യൽ മീഡിയയിൽ ഉൾപ്പെടെ വൻ ചർച്ചയായതോടെ കൊലപാതകം എന്ന വാക്ക് റെയിൽവേ തന്നെ മഞ്ഞ പെയിന്റ് ഉപയോഗിച്ച് മായ്ച്ചു കളയുകയായിരുന്നു. ജാര്ഖണ്ഡിന്റെ തലസ്ഥാനമായ റാഞ്ചിക്ക് സമീപമുള്ള പട്ടണമാണ് ഹാട്ടിയ. ആഴ്ചയില് ഒരിക്കൽ ഹാട്ടിയ-എറണാകുളം എക്സ്പ്രസ് സര്വീസ് നടത്തുന്നു.
Popular Categories
Previous article
Next article