കര്ണാടക ബസില് 62.5 ലക്ഷം രൂപ; തൃശൂരില് യാത്രക്കാരന് കസ്റ്റഡിയില്
തൃശൂര്: ദേശീയപാതയില് പീച്ചിക്ക് സമീപം നടത്തിയ വാഹന പരിശോധനയില് ₹62.5 ലക്ഷം രൂപയുമായി ബസ് യാത്രക്കാരനെ എക്സൈസ് സ്ക്വാഡ് കസ്റ്റഡിയിലെടുത്തു. കര്ണാടക സ്വദേശി ഉദയ് ശങ്കര് ആണ് പിടിയിലായത്.
ബാഗില് പണം; രേഖകള് ഇല്ല
കര്ണാടക ആര്ടിസി ബസില് യാത്ര ചെയ്തിരുന്ന ഇയാളുടെ ബാഗില് നിന്നാണ് വന് തുക കണ്ടെത്തിയത്. എന്നാൽ, പണവുമായി ബന്ധപ്പെട്ട യാതൊരു രേഖകളും ഇയാളുടെ കൈയില് ഉണ്ടായിരുന്നില്ല.
‘വസ്തു ഇടപാടിനുള്ള പണം’ എന്ന് വിശദീകരണം
കര്ണാടകയില് വസ്തു വിറ്റ് ലഭിച്ച പണമാണ് ഇത് എന്നും കൊച്ചിയില് മറ്റൊരു വസ്തു വാങ്ങാന് അഡ്വാന്സ് നല്കാനാണ് കൊണ്ടുപോയതെന്നും ഇയാള് പറഞ്ഞു.
തെരഞ്ഞെടുപ്പ് മുന്നൊരുക്ക പരിശോധന
തിരഞ്ഞെടുപ്പിന് മുന്നോടിയായി എക്സൈസ് സ്ക്വാഡ് പ്രത്യേക പരിശോധന ശക്തമാക്കിയിരുന്നു.
ഇതിന്റെ ഭാഗമായാണ് ബസില് നടത്തിയ പരിശോധനയില് പണം കണ്ടെത്തിയത്.
ഐഎസ്ആർഒയിൽ വമ്പൻ അവസരം! സയന്റിസ്റ്റ്, എൻജിനീയർ തസ്തികകളിൽ ഉടൻ അപേക്ഷിക്കൂ; ലക്ഷങ്ങൾ ശമ്പളം!
ആദായ നികുതി വകുപ്പിന് കൈമാറി
സംഭവത്തില് പിടിച്ചെടുത്ത പണം ആദായ നികുതി വകുപ്പിന് കൈമാറി. പണത്തിന് തെരഞ്ഞെടുപ്പ് പ്രചാരണവുമായി ബന്ധമുണ്ടോ എന്ന് വിശദമായി അന്വേഷിക്കും. അധികൃതര് സംഭവത്തില് വിശദമായ അന്വേഷണം ആരംഭിച്ചിട്ടുണ്ട്.
English Summary:
A man from Karnataka was detained in Thrissur after officials found ₹62.5 lakh in cash in his bag during a routine vehicle check. He claimed the money was from a property sale and intended for another purchase in Kochi, but failed to provide any documents. The cash has been handed over to the Income Tax Department for further investigation.
