ആർആർടിഎസുമായി അതിവേഗം മുന്നോട്ട്; ആദ്യഘട്ടം തിരുവനന്തപുരം മുതൽ തൃശൂർ വരെ
തിരുവനന്തപുരം: തിരുവനന്തപുരം മുതൽ കാസർകോട് വരെ അതിവേഗ യാത്ര ലക്ഷ്യമിട്ട് നിർദേശിച്ച ആർആർടിഎസ് (RRTS) പദ്ധതിയുമായി മുന്നോട്ടുപോകുന്നതിനുള്ള നടപടികൾ സംസ്ഥാന സർക്കാർ വേഗത്തിലാക്കി.
പദ്ധതിക്ക് തത്വത്തിൽ അനുമതി നൽകിക്കൊണ്ട് ഗതാഗത വകുപ്പ് ഉത്തരവിറക്കി.
ആദ്യഘട്ടമായി തിരുവനന്തപുരം മുതൽ തൃശൂർ വരെയുള്ള ഭാഗമാണ് നടപ്പാക്കുക.
പദ്ധതി സംബന്ധിച്ച അനുമതികൾ ഉൾപ്പെടെ ആവശ്യമായ നടപടികൾക്കായി കേന്ദ്ര സർക്കാരുമായി ആശയവിനിമയം നടത്താനുള്ള ചുമതല ഗതാഗത വകുപ്പിന് മന്ത്രിസഭായോഗം നൽകിയതായി ഉത്തരവിൽ വ്യക്തമാക്കുന്നു.
കേന്ദ്ര നഗരകാര്യ മന്ത്രാലയവുമായാണ് ഗതാഗത വകുപ്പ് തുടർ ചർച്ചകൾ നടത്തുക.
പദ്ധതിയുടെ ആകെ ചെലവ് 1,92,780 കോടി രൂപയായി കണക്കാക്കുന്നു.
തിരുവനന്തപുരം മുതൽ കാസർകോട് വരെ 583 കിലോമീറ്റർ ദൈർഘ്യമുള്ള ആർആർടിഎസ് പദ്ധതി 12 വർഷത്തിനുള്ളിൽ പൂർത്തിയാക്കാനാണ് ലക്ഷ്യം. ആദ്യഘട്ടം പൂർത്തിയാകുന്നതോടെ പിന്നീട് മൂന്ന് ഘട്ടങ്ങളിലായി റെയിൽപാത കാസർകോട് വരെ നീട്ടും.
തുടർവികസനമായി പാത മംഗളൂരു വരെയും തെക്ക് കന്യാകുമാരി വരെയും നീട്ടാനുള്ള സാധ്യതയും സർക്കാർ പരിഗണിക്കുന്നുണ്ട്.
ഇത് മറ്റ് സംസ്ഥാനങ്ങളുമായി ബന്ധപ്പെട്ട വിഷയമായതിനാൽ അവരുമായി ആശയവിനിമയം നടത്തി തുടർ നീട്ടലിന്റെ സാധ്യത പരിശോധിക്കുമെന്നും ഉത്തരവിൽ പറയുന്നു.
സിൽവർലൈൻ പദ്ധതിയിൽ നിന്ന് വ്യത്യസ്തമായി, ആർആർടിഎസ് പാതയുടെ വലിയൊരു ഭാഗം തൂണുകളിലൂടെയും തുരങ്കങ്ങളിലൂടെയും കടന്നുപോകുന്ന രീതിയിലാണ് രൂപകൽപ്പന. അടിയന്തര ഘട്ടങ്ങളിൽ മാത്രം ഭൂമി ഏറ്റെടുക്കലിലേക്ക് പോകാനാണ് നിലവിൽ ആലോചന.
ENGLISH SUMMARY
The Kerala government has accelerated steps to move forward with the proposed RRTS project aimed at enabling high-speed travel from Thiruvananthapuram to Kasaragod. The Transport Department issued an order granting in-principle approval. The first phase will cover Thiruvananthapuram to Thrissur, with the Transport Department tasked to coordinate approvals and communication with the Union government, particularly the Ministry of Housing and Urban Affairs. The project is estimated to cost ₹1,92,780 crore, span 583 km, and be completed within 12 years. Extensions to Mangaluru and Kanyakumari are also being considered. Unlike SilverLine, the corridor is planned largely through pillars and tunnels, with land acquisition only in urgent cases.
kerala-government-fast-tracks-rrts-thiruvananthapuram-kasaragod
RRTS, Kerala government, Transport Department, Thiruvananthapuram, Kasaragod, High speed rail, Rail project, Infrastructure, Thrissur, Ministry of Housing and Urban Affairs, SilverLine, Land acquisition
