“എന്റെ ആണത്തം അതിനെ ഉൾക്കൊള്ളാൻ കഴിയുന്നത്ര പൗരുഷം നിങ്ങൾക്കില്ലാത്തതിൽ എനിക്ക് ഖേദമുണ്ട്”

“എന്റെ ആണത്തം അതിനെ ഉൾക്കൊള്ളാൻ കഴിയുന്നത്ര പൗരുഷം നിങ്ങൾക്കില്ലാത്തതിൽ എനിക്ക് ഖേദമുണ്ട്”

സമൂഹമാധ്യമങ്ങളിലെ ബോഡി ഷെയ്മിംഗിന് ശക്തമായ മറുപടിയുമായി നടി മഞ്ജു പിള്ളയുടെയും പ്രശസ്ത ഛായാഗ്രാഹകൻ സുജിത്ത് വാസുദേവിന്റെയും മകൾ ദയ സുജിത്ത്.

‘നിന്നെ കാണാൻ ആണത്തം കൂടുതലാണ്’, ‘ജിമ്മിൽ പോയാൽ പൂർണമായും ഒരു ആണായി മാറും’ എന്ന തരത്തിലുള്ള അപകീർത്തികരമായ കമന്റിനെതിരെയാണ് ദയ തുറന്നടിച്ചത്.

ഇൻസ്റ്റാഗ്രാമിൽ പങ്കുവച്ച വിഡിയോയിൽ, തന്റെ ‘ആണത്തം’ ചിലരിൽ അരക്ഷിതാവസ്ഥ സൃഷ്ടിക്കുന്നതിൽ ഖേദമുണ്ടെന്ന് പറഞ്ഞ ദയ, അത് ഉൾക്കൊള്ളാൻ കഴിയുന്നത്ര പൗരുഷം വിമർശകർക്കില്ലാത്തതിലാണ് യഥാർത്ഥ പ്രശ്നമെന്നും വ്യക്തമാക്കി.

“എന്റെ ആണത്തം നിങ്ങളെ അസ്വസ്ഥരാക്കുന്നുണ്ടെങ്കിൽ അതിന് ഞാൻ ഖേദിക്കുന്നു. എന്നാൽ അതിനെ ഉൾക്കൊള്ളാൻ കഴിയുന്നത്ര പൗരുഷം നിങ്ങൾക്കില്ലാത്തതിൽ എനിക്ക് ഖേദമുണ്ട്,” എന്നാണ് ദയയുടെ പ്രതികരണം.

മറ്റുള്ളവരെ അപമാനിച്ച് സ്വന്തം അപകർഷത മറയ്ക്കാനുള്ള ശ്രമങ്ങളെ ദയ പരിഹസിക്കുകയും ചെയ്തു. “എന്നേക്കാൾ വലിയ ‘ആൺ’ നിങ്ങളാണെന്ന് കരുതാൻ പോലും കഴിയാത്ത അവസ്ഥയിലാണ് നിങ്ങൾ,” എന്ന വാക്കുകളിലൂടെ ബോഡി ഷെയ്മിംഗിനെതിരെ ദയ ശക്തമായ നിലപാട് വ്യക്തമാക്കി.

ഇതിന് മുൻപും ശരീരഭാരത്തെ പരിഹസിച്ചവർക്കെതിരെ ദയ പ്രതികരിച്ചിരുന്നു. “നീ ഫുൾ വണ്ണം വച്ചല്ലോ, പഴയ നീയല്ല” എന്ന തരത്തിലുള്ള വിമർശനങ്ങൾക്ക്, മറ്റുള്ളവരുടെ ശരീരത്തെ നോക്കി വിലയിരുത്തുന്നവരുടെ മനോഭാവത്തെ ചോദ്യം ചെയ്തുകൊണ്ട് ‘കളിക്കല്ലേ’ എന്ന മാസ്സ് ഡയലോഗോടെയായിരുന്നു ദയയുടെ മറുപടി. സമൂഹമാധ്യമങ്ങളിൽ ദയയുടെ പ്രതികരണം വ്യാപക പിന്തുണയാണ് നേടുന്നത്.

English Summary

Daya Sujith, daughter of actress Manju Pillai and cinematographer Sujith Vasudev, gave a powerful response to body-shaming comments on social media. Calling out toxic masculinity, she said her confidence unsettles those who lack the strength to accept it. Her reply has received wide appreciation online.

daya-sujith-strong-response-body-shaming-social-media

Daya Sujith, Manju Pillai, Body Shaming, Social Media Abuse, Celebrity Response, Gender Stereotypes