പ്രമേഹ രോഗികളുടെ എണ്ണം ദിനംപ്രതി വർധിക്കുകയാണ്. പ്രമേഹത്തിനു മരുന്ന് കഴിക്കാത്തവർ ചുരുക്കമായി തുടങ്ങി. രക്തത്തിൽ പഞ്ചസാരയുടെ അളവ് ഉയരുന്നതിനെയാണ് ‘പ്രമേഹം’ എന്ന് പറയുന്നത്. പ്രമേഹം നിയന്ത്രിക്കുന്നതിൽ മരുന്നുകൾ ഒരു സുപ്രധാന പങ്ക് വഹിക്കാനാകുമെങ്കിലും സ്വാഭാവികവും ആരോഗ്യകരവുമായ ജീവിതശൈലി മാറ്റങ്ങൾ കൂടുതൽ ഫലപ്രദമാകും. ആരോഗ്യകരമായ ഭക്ഷണക്രമം സ്വീകരിക്കുന്നത് പ്രമേഹ സാധ്യത നിയന്ത്രിക്കാൻ സഹായിക്കും. പ്രമേഹം ഉണ്ടെങ്കിൽ പലതരത്തിലുള്ള ലക്ഷണങ്ങൾ ചർമ്മത്തിൽ പ്രകടമാകാം. അവ ഏതൊക്കെയെന്ന് നോക്കാം
1. പ്രമേഹമുണ്ടെങ്കിൽ ചർമ്മത്തിൽ കാണുന്ന ആദ്യത്തെ ലക്ഷണം വരണ്ട ചർമ്മമാണ്. തൊലി പുറത്ത് ചൊറിച്ചിലും ഉണ്ടാകും.
2. ഉണങ്ങാത്ത മുറിവുകളാണ് മറ്റൊരു ലക്ഷണം. മുറിവുകൾ ഉണ്ടങ്കിൽ ദിവസങ്ങളോളം ഉണങ്ങാതിരിക്കുന്നത് പ്രധാനപ്പെട്ട ലക്ഷണമാണ്.
3.’acanthosis nigricans’ എന്ന ചർമ്മ ലക്ഷണമാണ് മറ്റൊന്ന്. കഴുത്ത്, കക്ഷം, തുടയിലെല്ലാം കറുപ്പ് നിറം കട്ടയ്ക്കിരിക്കുന്ന രോഗാവസ്ഥയാണിത്. അമിതവണ്ണമുള്ളവരിൽ ഇത് കൂടുതലായി കാണുന്നു
4.സ്കിൻ ടാഗാണ് മറ്റൊരു ലക്ഷണം. അതായത്, കറുത്ത തൊലി ചർമ്മത്തിൽ ചേർന്ന് തൂങ്ങിപിടിച്ചിരിക്കുന്ന രോഗാവസ്ഥ. കഴുത്ത്, കക്ഷം എന്നിവിടങ്ങളിലാണ് ഇത് കൂടുതലായി കാണുന്നത്.
5. കാലിൽ കുമിള പോലെ വീർത്ത് വരുന്നതാണ് മറ്റൊരു ലക്ഷണം. വേദനയില്ലാത്ത കുമിളകൾ കാലിൽ കാണുന്നതും പ്രമേഹത്തിന്റെ ലക്ഷണമാണ്. ‘diabetic bullae’ എന്നാണ് ഇതിനെ വിളിക്കുക.
6. സ്കിൻ ഇൻഫെക്ഷനാണ് മറ്റൊരു ലക്ഷണം. ചർമ്മത്തിൽ ഇടയ്ക്കിടെ ഫംഗൽ അണുബാധ വരുന്നതും പ്രമേഹത്തിന്റെ മറ്റൊരു ലക്ഷണമാണ്.
