പത്തനംതിട്ട : പരുമല പള്ളി തിരുനാളിനോടനുബന്ധിച്ച് നവംബർ 3, 2025 തിങ്കൾ പത്തനംതിട്ട ജില്ലയിലും ആലപ്പുഴ ജില്ലയിലും വരുന്ന മൂന്ന് താലൂക്കുകൾക്ക് പ്രാദേശിക അവധി പ്രഖ്യാപിച്ചു.
പത്തനംതിട്ട ജില്ലയിലെ തിരുവല്ല താലൂക്കിലും ആലപ്പുഴ ജില്ലയിലെ മാവേലിക്കര, ചെങ്ങന്നൂർ താലൂക്കുകളിലുമാണ് അവധി ബാധകമാകുന്നത്.
ഈ താലൂക്കുകളിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും അവധി അനുവദിക്കുന്നതിനുള്ള ഔദ്യോഗിക ഉത്തരവ് ബന്ധപ്പെട്ട ജില്ലാ കളക്ടർമാർ പുറപ്പെടുവിച്ചു. എന്നാല്, മുമ്പ് നിശ്ചയിച്ചിട്ടുള്ള പൊതു പരീക്ഷകൾക്ക് അവധിയുണ്ടാകില്ലെന്ന് വ്യക്തമാക്കിയിട്ടുണ്ട്.
123-ാം പരുമല ഓർമ്മപ്പെരുന്നാളിനുള്ള സർക്കാർതല യോഗം
ഈ വർഷം ആഘോഷിക്കുന്ന പരുമല തിരുനാൾ, ക്രൈസ്തവ ലോകത്ത് വലിയ പ്രാധാന്യമുള്ള പെരുന്നാളാണ്. ‘പരിശുദ്ധ പരുമല തിരുമേനി‘ എന്നറിയപ്പെടുന്ന, ക്രൈസ്തവ വിശുദ്ധരുടെ പട്ടികയിൽ ഉൾപ്പെട്ട ആദ്യ ഇന്ത്യൻ പരിശുദ്ധനായ പരിശുദ്ധ ഗീവർഗീസ് മാർ ഗ്രിഗോറിയോസ് തിരുമേനിയുടെ 123-ാം ഓർമ്മപ്പെരുന്നാൾ ആണിത്.
വർഷത്തിലൊരിക്കൽ ഭക്തസാന്നിധ്യത്താൽ നിറഞ്ഞുനില്ക്കുന്ന ഈ തിരുനാൾ കേരളത്തിനകത്തും പുറത്തുമുള്ള ലക്ഷക്കണക്കിന് വിശ്വാസികളെ പരുമലയിലേക്കു ആകര്ഷിക്കുന്നു.
ഉപരാഷ്ട്രപതി നാളെ കൊല്ലത്ത്;നഗരപരിധിയിലെ സ്കൂളുകൾക്ക് നാളെ ഉച്ചയ്ക്കുശേഷം അവധി
ഹരിതചട്ടങ്ങൾ കർശനമായി പാലിക്കാൻ നിർദ്ദേശം
പെരുന്നാളെ സ്വാഗതം ചെയ്ത് സംസ്ഥാനതല ഒരുക്കങ്ങൾക്കും ഏകോപനത്തിനുമായി ആരോഗ്യമന്ത്രി വീണാ ജോർജ് അധ്യക്ഷത വഹിച്ച സർക്കാർതല യോഗം അടുത്തിടെ ചേർന്നിരുന്നു.
പെരുന്നാൾ ദിനങ്ങളിൽ ഭക്തരുടെ സുരക്ഷയും സുഗമമായ തീർത്ഥാടനവും ഉറപ്പാക്കാൻ വിവിധ നിർദ്ദേശങ്ങൾ യോഗത്തിൽ സ്വീകരിക്കുകയുണ്ടായി. ഹരിതചട്ടങ്ങൾ കർശനമായി പാലിക്കണം എന്നതിൽ യോഗം ഏകകണക്കായി.
KSRTCയുടെ പ്രത്യേക സർവീസുകൾ ഒരുക്കം
പെരുന്നാൾ ദിവസങ്ങളിൽ കൂടുതൽ യാത്രക്കാരുടെ തിരക്ക് കണക്കിലെടുത്ത് വിവിധ ഡിപ്പോകളിൽ നിന്ന് KSRTC പ്രത്യേക ബസ് സർവീസുകൾ നടത്താൻ തീരുമാനമായി
ഒക്ടോബർ 26നാണ് ഈ വർഷത്തെ തിരുനാൾ കൊടിയേറ്റ് ആരംഭിച്ചത്.
