സ്കൂൾ ബസ് നിയന്തണം വിട്ട് ചായക്കടയിലേക്ക് കയറി; ഒരാൾ മരിച്ചു
എടപ്പാൾ ∙ തൃശൂർ-കുറ്റിപ്പുറം സംസ്ഥാന പാതയിൽ തിങ്കളാഴ്ച വൈകുന്നേരം നടന്ന ഭീകര അപകടത്തിൽ ഒരാൾ മരിച്ചു, അഞ്ചുപേർക്ക് പരിക്കേറ്റു.
എടപ്പാളിലെ ദാറുൽ ഹിദായ സ്കൂളിലെ വിദ്യാർത്ഥികളെ കൊണ്ടുപോകുകയായിരുന്ന സ്കൂൾ ബസാണ് നിയന്ത്രണം വിട്ട് റോഡിനരികിലെ ചായക്കടയിലേക്ക് ഇടിച്ചു കയറിയത്.
അപകടത്തിൽ മരിച്ചത് കണ്ടനകം വിദ്യാപീഠം യു.പി. സ്കൂളിന് സമീപം താമസിക്കുന്ന വിജയൻ (58) ആണെന്ന് പൊലീസ് സ്ഥിരീകരിച്ചു.
ഈ വർഷം മാത്രം പോറ്റിയുടെ അക്കൗണ്ടിലെത്തിയത് 10 ലക്ഷം
ചായക്കടയിൽ ഇരിക്കുകയായിരുന്ന പ്രദേശവാസിയായ കുട്ടൻ, സമീപത്തെ കടക്കാരനായ മോഹനൻ, സ്കൂൾ വിട്ട് വീട്ടിലേക്ക് പോകുകയായിരുന്ന വിദ്യാപീഠം സ്കൂൾ വിദ്യാർത്ഥി, കൂടാതെ ബസിലുണ്ടായിരുന്ന രണ്ട് വിദ്യാർത്ഥികൾ എന്നിവർക്ക് പരിക്കേറ്റിട്ടുണ്ട്.
സംഭവം തിങ്കളാഴ്ച വൈകുന്നേരം നാലു മണിയോടെയായിരുന്നു. ബസ് എടപ്പാളിൽ നിന്ന് കുട്ടികളെ എടുത്ത് പോകുന്നതിനിടെ കണ്ടനകം ഭാഗത്ത് നിയന്ത്രണം നഷ്ടപ്പെടുകയായിരുന്നു.
ആദ്യം നടപ്പാതയിൽ നിന്ന വിജയനെയും സ്കൂൾ വിദ്യാർത്ഥിയെയും ഇടിച്ച് ബസ് നേരെ ചായക്കടയിലേക്ക് കയറി.
ചായക്കടയ്ക്കുള്ളിൽ ഇരിക്കുകയായിരുന്ന കുട്ടൻ ബസിനടിയിൽ കുടുങ്ങി. നാട്ടുകാരും പോലീസും അഗ്നിശമനസേനയും ചേർന്ന് നടത്തിയ കഠിനമായ രക്ഷാപ്രവർത്തനത്തിനൊടുവിൽ ഏകദേശം ഒന്നര മണിക്കൂറിന് ശേഷം ഇയാളെ പുറത്തെടുത്തു. ഗുരുതരാവസ്ഥയിലുള്ള കുട്ടനെ ഉടൻ ആശുപത്രിയിലേക്ക് മാറ്റി.
(സ്കൂൾ ബസ് നിയന്തണം വിട്ട് ചായക്കടയിലേക്ക് കയറി; ഒരാൾ മരിച്ചു)
അപകടസ്ഥലത്ത് വലിയ ജനക്കൂട്ടം കൂടി. റോഡിലൂടെ ഗതാഗതം മണിക്കൂറുകളോളം തടസ്സപ്പെട്ടു. ബസ് പൂർണമായും തകർന്ന നിലയിലാണ്.
ഭാഗ്യവശാൽ ബസിലെ മറ്റു കുട്ടികൾക്ക് ഗുരുതര പരിക്കുകൾ സംഭവിച്ചിട്ടില്ലെന്ന് അധികൃതർ അറിയിച്ചു.
വിജയന്റെ മൃതദേഹം പോസ്റ്റ്മോർട്ടത്തിനായി തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റി. പരിക്കേറ്റ അഞ്ചുപേരും സമീപത്തെ സ്വകാര്യ ആശുപത്രികളിൽ ചികിത്സയിലാണ്.
പ്രദേശവാസികൾ റോഡിന്റെ അപകടാവസ്ഥയും സ്കൂൾ സമയങ്ങളിൽ വാഹനങ്ങൾ അതിവേഗത്തിൽ പോകുന്നതും അപകടങ്ങൾക്ക് കാരണമാകുന്നുവെന്നും അധികൃതർ അടിയന്തിരമായി നടപടി സ്വീകരിക്കണമെന്നും ആവശ്യപ്പെട്ടു.
