ആശിർനന്ദയുടെ മരണം; മൂന്ന് അധ്യാപകർക്കെതിരെ കേസ്
പാലക്കാട്: ശ്രീകൃഷ്ണപുരം സെന്റ് ഡൊമിനിക് സ്കൂളിലെ ഒന്പതാം ക്ലാസ് വിദ്യാര്ത്ഥിനി ആശിര്നന്ദ ആത്മഹത്യ ചെയ്ത സംഭവത്തില് പോലീസ് കേസെടുത്തു. മുന് പ്രിന്സിപ്പൽ ജോയ്സി, അധ്യാപകരായ സ്റ്റെല്ലാ ബാബു, അര്ച്ചന എന്നിവര്ക്കെതിരെയാണ് കേസെടുത്തത്.
ജുവനൈല് ജസ്റ്റിസ് ആക്റ്റ് 75-ാം വകുപ്പുപ്രകാരം കോടതിയുടെ അനുമതിയോടെയാണ് പോലീസ് നടപടി. ജൂണ് 24നാണ് തച്ചനാട്ടുകര പാലോട് സ്വദേശിനിയായ ആശിർനന്ദയെ ആത്മഹത്യ ചെയ്ത നിലയിൽ കണ്ടെത്തിയത്.
പരീക്ഷയില് മാര്ക്ക് കുറഞ്ഞതിന്റെ പേരില് ക്ലാസ് മാറ്റിയതിനെ തുടർന്ന് ആശിര്നന്ദ ആത്മഹത്യ ചെയ്തതെന്നാണ് രക്ഷിതാക്കള് ആരോപിച്ചത്.
അധ്യാപകരില് നിന്ന് കടുത്ത മാനസിക പീഡനമാണ് കുട്ടി നേരിട്ടതെന്നും ആരോപണമുയര്ന്നിരുന്നു. ആശിര്നന്ദയുടെ മരണത്തില് പ്രതിഷേധവുമായി കുട്ടിയുടെ രക്ഷിതാക്കളും ബന്ധുക്കളും വിവിധ വിദ്യാര്ത്ഥി സംഘടനകളും രംഗത്തെത്തിയിരുന്നു.
സ്കൂളിലെ അധ്യാപകര്ക്കെതിരെ ഗുരുതര ആരോപണങ്ങള് ഉന്നയിച്ചുകൊണ്ട് ആശിര്നന്ദയുടെ കുറിപ്പ് ലഭിച്ചിരുന്നു. സുഹൃത്തിന്റെ ബുക്കിന്റെ പിന്ഭാഗത്തായായിരുന്നു ആശിര്നന്ദ കുറിപ്പെഴുതി വെച്ചിരുന്നത്.
സ്കൂളിലെ അധ്യാപകര് തന്റെ ജിവിതം തകര്ത്തു എന്നായിരുന്നു ആശിര്നന്ദ എഴുതിയിരുന്നത്.
Summary: Police have registered a case in connection with the suicide of Ashirnanda, a Class 9 student of St. Dominic School, Sreekrishnapuram. Former principal Joyce and teachers Stella Babu and Archana have been named in the FIR.
