വളരെ ചെറിയ വിലയേയുള്ളു ഈ വ്യായാമ മെഷീന്. എന്നാൽ ഇതുവാങ്ങാൻ ആളുകൾ തമ്മിൽ അടി വരെ നടന്നു. ആള്‍ഡിയുടെ 150 പൗണ്ട് മാത്രം വിലയുള്ള എക്സര്‍സൈസ് മെഷീന് ആണ് ഇപ്പോൾ യുകെയിലെ താരം.
തിക്കും തിരക്കും വര്‍ദ്ധിച്ചതോടെ ഇത് വാങ്ങാനായി ഇപ്പോള്‍ ടിക്കറ്റ് സിസ്റ്റം ഏര്‍പ്പെടുത്തിയിരിക്കുകയാണ് സൂപ്പര്‍മാര്‍ക്കറ്റ്. കഴിഞ്ഞ ദിവസം ഈ മെഷീനു വേണ്ടി ഒരു സ്റ്റോറില്‍ അടിപിടി വരെ നടന്നിരുന്നു.
ദൈനം ദിന കായിക വ്യായാമത്തിനായി ഉപയോഗിക്കാന്‍ കഴിയുന്ന ഈ മെഷീന് ഇപ്പോള്‍ ആള്‍ഡി അവരുടെ സ്വന്തം ബ്രാന്‍ഡിലാണ് ഇറക്കിയിരിക്കുന്നത്.
ഒറിജിനല്‍ ഫോള്‍ഡ് റിഫോര്‍മറേക്കാള്‍ 1,750 പൗണ്ട് വിലക്കുറവുള്ള ഈ മെഷീന് വാങ്ങുന്നതിനായി വാരാന്ത്യത്തില്‍ വന്‍ തിരക്കായിരുന്നു അനുഭവപ്പെട്ടത്. വ്യായാമം ചെയ്യാൻ പോകുന്നതിനേക്കാള്‍ ചെലവ് കുറവാണ് ഈ മെഷീന് ഉപയോഗിച്ചാല്‍ എന്നതാണ് ആളുകൾ ഇതിനായി പരക്കം പായാൻ ഒരു കാരണം.
ആള്‍ഡിയുടെ പല സ്റ്റോറുകളിലും ഇതിനായി രാവിലെ അഞ്ചരമണി മുതല്‍ തന്നെ ക്യൂ രൂപം കൊണ്ടിരുന്നതായി റിപ്പോര്‍ട്ടുകളുണ്ട്. കട തുറക്കുന്നതിനും മൂന്ന് മണിക്കൂര്‍ മുന്‍പ് തന്നെ ഉപഭോക്താക്കള്‍ ഈ മെഷീനായി കാത്തുകിടക്കുന്ന അവസ്ഥയാണ്.
