അയല്വാസിയുടെ കൂട്ടില് തന്റെ കാണാതായ കോഴിയെ കണ്ടെത്തിയതിനെ തുടര്ന്ന് യുവാവും അയൽവാസിയുമായുണ്ടായ ഉണ്ടായ കലഹത്തില് 82-കാരന് അടിയേറ്റ് മരിച്ചു. കുംഭകോണത്തെ മുരുകയ്യന് (82) ആണ് കോഴിയെക്കുറിച്ച് അയല്വാസി വീരമണിയുമായി ഉണ്ടായ തർക്കത്തിനിടെ അതിദാരുണമായി കൊല്ലപ്പെട്ടത്. തമിഴ്നാട്ടിലെ കുംഭകോണത്തിലാണ് സംഭവം നടന്നത്. 82-year-old dies tragically after being beaten up by neighbor.
വീരമണിയുടെ കോഴി കഴിഞ്ഞ ദിവസം മുരുകയ്യന്റെ വീട്ടിലേക്ക് ചെന്നിരുന്നു. അത് തന്റെ കോഴിയെന്ന് തെറ്റിദ്ധരിച്ച് മുരുകയ്യന് അത് തന്റെ കോഴികളുടെ കൂട്ടത്തിലേക്ക് കൂട്ടിയെടുത്തു. ഈ സമയത്ത്, വീരമണിയും കുടുംബാംഗങ്ങളും അവരുടെ കോഴിയെ കാണാതായതിനെക്കുറിച്ച് തിരച്ചില് ആരംഭിച്ചിരുന്നു. തിരച്ചിലിനിടെ, അവർ മുരുകയ്യന്റെ വീട്ടിലെ കൂട്ടിൽ നിന്ന് അവരുടെ കോഴിയെ കണ്ടെത്തി.
ഇതോടെ കോഴിയെ മുരുകയ്യന് മോഷ്ടിച്ചതാണെന്ന് ആരോപിച്ചാണ് തർക്കം ആരംഭിച്ചത്. വീരമണിയുടെ മകനാണ് മുരുകയ്യനെ മര്ദിച്ചത്. അടിയേറ്റ് അബോധാവസ്ഥയിലായ അദ്ദേഹത്തെ ആശുപത്രിയില് എത്തിച്ചെങ്കിലും മരണപ്പെടുകയായിരുന്നു. മുരുകയ്യന്റെ മരണപ്പെട്ടതോടെ വീരമണിയും കുടുംബവും ഒളിവില്പോയി. ഇവര്ക്കായുള്ള അന്വേഷണം തുടരുകയാണ്.]
