സംസ്ഥാനത്ത് ഈ മാസം ഇതുവരെ സ്ഥിരീകരിച്ചത് 182 കോവിഡ് കേസുകൾ. കോട്ടയം ജില്ലയില് 57 കേസുകളും എറണാകുളത്ത് 34 കേസുകളും തിരുവനന്തപുരത്ത് 30 കേസുകളും റിപ്പോര്ട്ട് ചെയ്തിട്ടുണ്ട്.
ദക്ഷിണ പൂര്വേഷ്യന് രാജ്യങ്ങളില് കോവിഡ് കേസുകള് വലിയ തോതില് റിപ്പോര്ട്ട് ചെയ്യുന്നതിനാല് കേരളത്തിലും കോവിഡ് വര്ധിക്കാന് സാധ്യതയുണ്ടെന്നും ജാഗ്രത പാലിക്കണമെന്നും ആരോഗ്യമന്ത്രി മുന്നറിയിപ്പ് നൽകി.
പൊതുവായനിർദേശങ്ങൾ ഇങ്ങനെയാണ്:
ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള് ഉള്ളവര് നിര്ബന്ധമായും മാസ്ക് ധരിക്കണം.
പ്രായമായവരും, ഗര്ഭിണികളും ഗുരുതര രോഗമുള്ളവരും പൊതുയിടങ്ങളിലും യാത്രകളിലും മാസ്ക് ധരിക്കുന്നത് അഭികാമ്യമാണ്.
ആശുപത്രികളില് മാസ്ക് നിര്ബന്ധമാണ്. ആരോഗ്യ പ്രവര്ത്തകര് മാസ്ക് നിര്ബന്ധമായും ധരിക്കണം.
അനാവശ്യ ആശുപത്രി സന്ദര്ശനം ഒഴിവാക്കണം.
ഇടയ്ക്കിടയ്ക്ക് സോപ്പ് ഉപയോഗിച്ച് കൈ കഴുകുന്നത് നല്ലതാണ്.
എവിടെയാണോ ചികിത്സിക്കുന്നത് ആ ആശുപത്രിയില് തന്നെ പ്രോട്ടോകോള് പാലിച്ച് ചികിത്സ ഉറപ്പാക്കണം. സ്റ്റേറ്റ് ലെവല് റാപ്പിഡ് റെസ്പോണ്സ് ടീം (ആര്ആര്ടി) യോഗം ചേര്ന്ന് സംസ്ഥാനത്തെ പൊതുസാഹചര്യം വിലയിരുത്തി.
സംസ്ഥാനത്ത് രോഗലക്ഷണമുള്ളവര്ക്ക് കോവിഡ് പരിശോധന നടത്താന് നിര്ദേശം നല്കിയിട്ടുണ്ട്. ആര്ടിപിസിആര് കിറ്റുകളും മറ്റ് സുരക്ഷാ ഉപകരണങ്ങളും ഉറപ്പാക്കാനും നിര്ദേശം നല്കി.
