കാസര്കോട്: കടയ്ക്കുള്ളില് ടിന്നര് ഒഴിച്ച് തീ കൊളുത്തിയ യുവതി മരിച്ചു. കാസര്കോട് ബേഡകത്ത് ആണ് സംഭവം. പലചരക്കുകട നടത്തുന്ന രമിത(32)യാണ് മരിച്ചത്
മംഗലാപുരത്തെ ആശുപത്രിയില് ചികിത്സയിലിരിക്കെയാണ് മരണം സംഭവിച്ചത്. കര്ണാടക സ്വദേശി രാമാമൃതമാണ് ആക്രമണം നടത്തിയത്. ഈ മാസം എട്ടിനായിരുന്നു സംഭവം.
രമിതയുടെ കടയ്ക്ക് സമീപത്താണ് രാമാമൃതത്തിന്റെ ഫര്ണിച്ചര് കടയുള്ളത്. ഒരു വര്ഷമായി ഇയാള് ഇവിടെ ഫര്ണിച്ചര് കട നടത്തുന്നുണ്ട്. എന്നാൽ രാമാമൃതം മദ്യപിച്ച് നിരന്തരം തന്റെ കടയില് വന്ന് പ്രശ്നമുണ്ടാക്കിയിരുന്നതായി രമിത കടയുടമയോട് പരാതി പറഞ്ഞിരുന്നു.
ഇതേ തുടർന്ന് തുടര്ന്ന് കടമുറി ഒഴിയാന് രാമാമൃതത്തോട് കടയുടമ ആവശ്യപ്പെടുകയും ചെയ്തിരുന്നു. ഇതിലുള്ള വിരോധമാണ് ആക്രമണത്തിന് പിന്നിൽ. സംഭവത്തില് പ്രതിയെ പൊലീസ് കസ്റ്റഡിയിലെടുത്തിരുന്നു.
