മാഞ്ചസ്ററര്: വേള്ഡ് മലയാളി കൗണ്സില് യൂറോപ്പ് റീജിയന് സമ്മേളനം നടന്നു. യുകെയിലെ മാഞ്ചസ്റററിനടുത്തുള്ള സ്റേറാക്ഓണ്ട്രെന്ഡിലെ സ്റേറാണ് ക്രൗണ് ഹോട്ടല് ഓഡിറ്റോറിയത്തില് മെയ് 2,3,4 തീയതികളിലാണ് സമ്മേളനം നടന്നത്.
ചടങ്ങിൽ ആനന്ദ് ടിവി മാനേജിങ് ഡയറക്ടര് എസ്. ശ്രീകുമാറിന് (യു കെ) സോഷ്യല് മീഡിയ അവാര്ഡും, ഇംഗ്ളണ്ടിലെ മലയാളികള് നേരിടുന്ന ചൂഷണങ്ങള് അവസാനിപ്പിക്കുവാന് ശ്രദ്ധേയമായ മുന്നേറ്റം നടത്തുന്ന സാമൂഹ്യ പ്രവര്ത്തകന് റോയി ജോസഫ് മാന്വെട്ടത്തിന് (യുകെ) സാമൂഹ്യ പ്രതിബദ്ധത അവാര്ഡും നല്കി.
കലാ, സാംസ്കാരിക, നാടക രംഗത്തെ മികച്ച പ്രവര്ത്തനങ്ങള്ക്കുള്ള അവാര്ഡ് രാജു കുന്നക്കാട്ട് (അയര്ലണ്ട്), യൂറോപ്പിലെ മാധ്യമരംഗത്തെ ശ്രദ്ധേയമായ പ്രവര്ത്തനത്തിന്റെയും, സംഗീത ആല്ബ രചനകളില് 26 വര്ഷം പൂര്ത്തിയാക്കിയതിന്റെ അവാര്ഡും ജോസ് കുമ്പിളുവേലില് (ജര്മ്മനി) എന്നിവരും ഏറ്റുവാങ്ങി.
അവാര്ഡ് ജേതാക്കളായ നാലുപേരെയും ജോളി തടത്തില്, ജോളി എം പടയാട്ടില്, ബാബു തോട്ടപ്പള്ളി, ട്രഷറര് ഷൈബു ജോസഫ്, സാം ഡേവിഡ് മാത്യു എന്നിവര് പൊന്നാട അണിയിച്ച് ആദരിച്ചു. അവാര്ഡ് ജേതാക്കൾ മറുപടി പ്രസംഗത്തില് പ്രവാസിസമൂഹത്തില് എല്ലാവര്ക്കും അവരവരുടേതായ പ്രതിബദ്ധതയില് ഉറച്ചു നിന്ന് പ്രവര്ത്തനങ്ങള് സമൂഹത്തിന്റെ ഉയര്ച്ചയെ ലക്ഷ്യമാക്കുന്നതായിരിക്കണം എന്ന് അഭ്യര്ത്ഥിച്ചു.
ഗ്ലോബൽ ഭാരവാഹികളായ തോമസ് അറമ്പന്കുടി(വൈസ് പ്രസിഡന്റ്), ഗ്രിഗറി മേടയില്(വൈസ് ചെയര്മാന്), മേഴ്സി തടത്തില് (വൈസ് ചെയര്പേഴ്സണ്), ഡോ.ജിമ്മി മൊയലന് (ഹെല്ത്ത് ആന്ഡ് മെഡിക്കല് ഫോറം പ്രസിഡന്റ്),സെബിന് പാലാട്ടി(യുകെ പ്രൊവിന്സ് പ്രസിഡന്റ്), സെബാസ്ററ്യന് ജോസഫ് (യുകെ പ്രൊവിന്സ് ചെയര്മാന്), ചിനു പടയാട്ടില് (ജര്മന് പ്രോവിന്സ് സെക്രട്ടറി), ലതീഷ്രാജ് (യുകെ നോര്ത്ത്വെസ്ററ് പ്രൊവിന്സ്, ചെയര്മാന്)എന്നിവര് ആശംസ അറിയിച്ചു.
സമ്മേളനത്തില് ഡബ്ള്യുഎംസി യൂറോപ്പ് റീജിയന് ചെയര്മാന് ചെയര്മാന് ജോളി തടത്തില് അധ്യക്ഷത വഹിച്ച് മുഖ്യപ്രഭാഷണം നടത്തി. പ്രസിഡണ്ട് ജോളി എം പടയാട്ടില് സ്വാഗതവും, സെക്രട്ടറി ബാബു തോട്ടപ്പള്ളി നന്ദിയും പറഞ്ഞു. അസോസിയേറ്റ് സെക്രട്ടറി സാം ഡേവിഡ് മാത്യു അവതാരകനായി.
