ഡയമണ്ട് മാല, ഡയമണ്ട് മോതിരം, സ്വർണ മോതിരം, ലാപ്ടോപ്പ്, ഐഫോൺ….വനിതാ ഡോക്ടർ താമസിച്ചിരുന്ന മുറിയിൽ നിന്നും സകലതും അടിച്ചുമാറ്റി; ഒടുവിൽ 19 കാരൻ പിടിയിലായത് ഇങ്ങനെ
വനിതാ ഡോക്ടർ താമസിച്ചിരുന്ന മുറിയിൽ കയറി ഡയമണ്ട് മാല, ഡയമണ്ട് മോതിരം, സ്വർണ മോതിരം, ലാപ്ടോപ്പ്, ഐഫോൺ എന്നിവ കവർന്ന കേസിൽ 19 കാരനെ പൊലീസ് അറസ്റ്റ് ചെയ്തു.
വിരലടയാളങ്ങൾ പിന്തുടർന്നുള്ള ശാസ്ത്രീയ അന്വേഷണത്തിനൊടുവിൽ മൂന്നാറിൽ നിന്നാണ് പ്രതിയെ പിടികൂടിയത്. തമിഴ്നാട് മധുര സ്വദേശി സതീഷ് കുമാർ (19) ആണ് എളമക്കര പൊലീസിന്റെ പിടിയിലായത്.
ഏകദേശം നാലേകാൽ ലക്ഷം രൂപയുടെ വസ്തുക്കൾ കവർന്ന കേസിലാണ് അറസ്റ്റ്.
ഡിസംബർ 23നാണ് ഇടപ്പള്ളിയിലെ സ്വകാര്യ ഹോട്ടലിലെ 103-ാം നമ്പർ മുറിയിൽ മോഷണം നടന്നത്. ആലപ്പുഴ സ്വദേശിനിയായ ഡോ. ഷഹാനയാണ് മുറിയിൽ താമസിച്ചിരുന്നത്.
വാതിൽ പൂട്ടാതെ പുറത്തുപോയ സമയത്താണ് മുറിയിലുണ്ടായിരുന്ന വിലപ്പെട്ട സാധനങ്ങൾ മോഷ്ടാവ് കൈക്കലാക്കിയത്.
സി.സി.ടി.വി ദൃശ്യങ്ങളിൽ നിന്ന് മോഷ്ടാവ് ഓട്ടോറിക്ഷയിൽ ചക്കരപ്പറമ്പിലെ ഒരു ആക്രിക്കടയിലേക്ക് പോകുന്ന ദൃശ്യങ്ങൾ പൊലീസിന് ലഭിച്ചിരുന്നു. എന്നാൽ ആദ്യം പ്രതിയെ തിരിച്ചറിയാൻ കഴിഞ്ഞിരുന്നില്ല.
മുറിയിൽ നിന്ന് ലഭിച്ച വിരലടയാളത്തിന്റെ അടിസ്ഥാനത്തിൽ നടത്തിയ വിശദമായ അന്വേഷണമാണ് മൂന്നാറിൽ ഒളിവിൽ കഴിഞ്ഞിരുന്ന പ്രതിയിലേക്കെത്തിച്ചത്.
മൂന്നാറിലെത്തിയ എളമക്കര പൊലീസ് സംഘം ഏറെ ശ്രമത്തിനൊടുവിലാണ് പ്രതിയെ കസ്റ്റഡിയിലെടുത്തത്. മോഷ്ടിച്ച ഇലക്ട്രോണിക് ഉപകരണങ്ങൾ 5,000 രൂപയ്ക്ക് വിറ്റതായാണ് പ്രതി മൊഴി നൽകിയിരിക്കുന്നത്.
എന്നാൽ ഡയമണ്ട് ആഭരണങ്ങളെക്കുറിച്ച് ഇയാൾ വിവരങ്ങൾ നൽകാൻ തയ്യാറായിട്ടില്ല. പ്രതിയെ ഇന്നലെ രാത്രിയോടെ കോടതിയിൽ ഹാജരാക്കി.
English Summary
Police arrested a 19-year-old youth from Munnar in connection with a theft from a woman doctor’s hotel room in Kochi. The accused, Satheesh Kumar from Madurai, Tamil Nadu, was tracked down through fingerprint analysis. Valuables worth around ₹4.25 lakh, including diamond jewellery, a laptop and an iPhone, were stolen from a hotel room in Edappally. CCTV visuals and scientific investigation helped police trace the accused, who is now produced before the court.
woman-doctor-hotel-room-theft-fingerprint-investigation-arrest
Kochi Theft Case, Elamakkara Police, Hotel Room Theft, Fingerprint Investigation, Diamond Jewellery Theft, Tamil Nadu Youth Arrested, Crime News
