വീരമൃത്യു വരിച്ച വിങ് കമാൻഡർ നമാംശ് സ്യാലിന്റെ ഓർമ്മയിൽ പട്യാലക്കാട്
ന്യൂഡൽഹി ∙ വീരമൃത്യു വരിച്ച വിങ് കമാൻഡർ നമാംശ് സ്യാലിന്റെ ഓർമ്മയിൽ ഹിമാചൽ പ്രദേശിലെ കാംഗ്ര ജില്ലയിലെ പട്യാലക്കാട് ഗ്രാമം കണ്ണീരിലാഴ്ന്നിരിക്കുകയാണ്.
ധീരനായ മകൻ വിടവാങ്ങിയതിൽ വേദനിച്ചിട്ടും അദ്ദേഹത്തിന്റെ അശ്രാന്ത സേവനത്തിലും അച്ചടക്കത്തിലും ഗ്രാമവാസികൾ അഭിമാനം പ്രകടിപ്പിക്കുന്നു.
ദുബായ് എയർ ഷോയിൽ വ്യോമാഭ്യാസത്തിനിടെ ഇന്ത്യയുടെ തേജസ് യുദ്ധവിമാനം തകർന്നു വീഴുകയായിരുന്നുവെന്നും അതിൽനിന്നാണ് വിങ് കമാൻഡർ നമാംശ് സ്യാലിന് വീരമൃത്യു സംഭവിച്ചതെന്നും റിപ്പോർട്ടുകൾ പറയുന്നു.
അപകടസ്ഥലം എയർ ഷോ നടക്കുന്ന അൽ മക്തൂം രാജ്യാന്തര വിമാനത്താവളത്തിൽനിന്ന് ഒന്നര കിലോമീറ്റർ അകലെയായിരുന്നു.
ഹൈദരാബാദ് വ്യോമതാവളത്തിൽ നിയമിതനായിരുന്നു നമാംശ്. ഇന്ത്യൻ വ്യോമസേനാ ഓഫീസറായ ഭാര്യ അഫ്സാനും അഞ്ചുവയസ്സുള്ള മകൾക്കുമൊപ്പമാണ് അദ്ദേഹം ഹൈദരാബാദിൽ താമസിച്ചിരുന്നത്.
പിതാവ് ജഗൻ നാഥ് വിരമിച്ച ആർമി ഓഫീസറും വിദ്യാഭ്യാസ വകുപ്പിലെ മുൻ പ്രിൻസിപ്പലുമാണ്. മാതാവ് ബിനാ ദേവി.
രാജ്യത്തിന് വലിയ നഷ്ടമാണിതെന്ന് ഹിമാചൽ മുഖ്യമന്ത്രി സുഖ്വീന്ദർ സിങ് സുഖു പ്രതികരിച്ചു. നമാംശ് സ്യാലിന്റെ ധീരതയും രാജ്യനിസ്വാർത്ഥതയും എന്നും ഓർമ്മിക്കപ്പെടുമെന്നും അദ്ദേഹം പറഞ്ഞു.
ആയിരക്കണക്കിന് കാണികളുടെ മുന്നിലായിരുന്നു ദുരന്തം. ആദ്യ അഭ്യാസ റൗണ്ട് പൂർത്തിയാക്കിയതിനു പിന്നാലെ രണ്ടുതവണ കുത്തനെ മുകളിലേക്ക് ഉയർന്ന് കരണംമറിഞ്ഞ തേജസ്,
മൂന്നാം ശ്രമത്തിനിടെ നിയന്ത്രണം നഷ്ടപ്പെട്ട് താഴേക്ക് പതിച്ച് പൊട്ടിത്തെറിക്കുകയായിരുന്നു. മലയാളികളടക്കം നിരവധി പേർ ഈ ദൃശ്യങ്ങൾ സാക്ഷീകരിച്ചു.
English Summary
Wing Commander Namansh Syal of the Indian Air Force lost his life when a Tejas fighter aircraft crashed during an aerobatic display at the Dubai Air Show. His native village in Himachal Pradesh is mourning the brave officer while also taking pride in his disciplined and dedicated service. The crash occurred about 1.5 km from Al Maktoum International Airport moments after completing the first round of his display. Namansh was posted in Hyderabad and lived there with his IAF officer wife and five-year-old daughter. Himachal CM Sukhvinder Singh Sukhu described his death as a great loss to the nation, stating that his courage and commitment will always be remembered.
wing-commander-namansh-syal-tejas-crash-dubai-airshow
Tejas crash, Namansh Syal, Dubai Air Show, Indian Air Force, Himachal Pradesh, Defence News, Aviation Accident, India News
