TOP NEWS
ഇന്ത്യന്‍ പ്രീമിയര്‍ ലീഗിൽ ഇന്നലത്തെ കളിയുപേക്ഷിച്ചതോടെ ഒരു കാര്യം വ്യക്തമായി. പ്ലേ ഓഫില്‍ രാജസ്ഥാന്‍ റോയല്‍സിനു നേരിടാനുള്ളത് റോയല്‍ ചലഞ്ചേഴ്‌സ് ബെംഗളൂരുവിനെയാണ്. ഇരുടീമുകളും തങ്ങളുടേതായ ശക്തി ദൗർബല്യങ്ങൾ ഉള്ളവർ. സീസണിന്റെ ആദ്യ പകുതിയില്‍ രാജസ്ഥാന്‍ ആര്‍ക്കും വെല്ലുവിളി ഉയര്‍ത്തിയ ടീമായെങ്കിൽ രണ്ടാം പകുതിയില്‍ അത് റോയല്‍ ചലഞ്ചേഴ്‌സ് ആയി. 2022ൽ ഇരുടീമുകളും ഐപിഎൽ രണ്ടാം ക്വാളിഫയറിൽ ഏറ്റുമുട്ടിയിരുന്നു. അന്ന് ഏഴ് വിക്കറ്റിന് രാജസ്ഥാൻ റോയൽസ് വിജയിച്ചു. ഇതിന് മുമ്പ് ഒരിക്കല്‍ മാത്രമാണ് ഐപിഎല്‍ എലിമിനിറ്റേററില്‍ ഇരുടീമുകളും നേര്‍ക്കുനേര്‍ വന്നത്. അന്ന് 71 റണ്‍സിന്റെ ആധികാരിക വിജയം നേടി ആർസിബി. ആദ്യം ബാറ്റ് ചെയ്ത ആര്‍സിബി നാല് വിക്കറ്റ് നഷ്ടത്തില്‍ 180 റണ്‍സെടുത്തു. മറുപടി ബാറ്റിങ്ങിനിറങ്ങിയ രാജസ്ഥാന്‍ റോയല്‍സ് 109 റണ്‍സിന് പുറത്താവുകയായിരുന്നു. ഇരുവരും പ്ലേ ഓഫില്‍ ഏറ്റുമുട്ടുമ്പോള്‍ ഒരു ടീം പുറത്തേയ്ക്ക് പോകുമെന്ന് ഉറപ്പാണ്. അതാരാണെന്ന് കാത്തിരുന്നു കാണുകതന്നെ വേണം.
