ബൈക്കിൽ കാട്ടുപന്നി ഇടിച്ച് ദമ്പതികൾക്ക് പരിക്ക്
കൊല്ലം ∙ കടയ്ക്കലിൽ ബൈക്കിൽ കാട്ടുപന്നി ഇടിച്ച് ദമ്പതികൾക്ക് പരിക്ക്. കിളിമാനൂർ വെള്ളല്ലൂർ സ്വദേശികളായ അനീഷ് കുമാറിനും ഭാര്യ ഷീജ കുമാരിക്കുമാണ് പരിക്കേറ്റത്.
ഇന്ന് രാവിലെ കടയ്ക്കൽ പുതുക്കോട് ഭാഗത്ത് റോഡ് മുറിച്ച് കടന്നുവരികയായിരുന്ന കാട്ടുപന്നി ഇവർ സഞ്ചരിച്ച ബൈക്കിൽ ഇടിക്കുകയായിരുന്നു.
തലക്ക് പരിക്കേറ്റ ഇരുവരും കടയ്ക്കൽ താലൂക്ക് ആശുപത്രിയിൽ ചികിത്സ തേടി. പരിക്ക് ഗുരുതരമല്ലെന്ന് ആശുപത്രി വൃത്തങ്ങൾ അറിയിച്ചു.
ഇതിനിടെ പാലക്കാട് അലനല്ലൂരിലും സമാന സംഭവം റിപ്പോർട്ട് ചെയ്തു. വട്ടമണ്ണപ്പുറം താളിയിൽ സഫിയാന്റെ മകൻ സമീർ ബാബുവിന് (31) കാട്ടുപന്നിയുടെ ആക്രമണത്തിൽ പരിക്കേറ്റു.
കമുക് തോട്ടത്തിൽ ജോലി ചെയ്യുന്നതിനിടെ പിന്നിൽ നിന്നെത്തിയ പന്നി ആക്രമിക്കുകയായിരുന്നു. നിലത്ത് വീണ യുവാവിനെ പന്നി വീണ്ടും കുത്തിയതോടെ തുടയിലും വയറിനോട് ചേർന്ന ഭാഗത്തും പരിക്കേറ്റു.
ആദ്യം സമീപ ക്ലിനിക്കിലും തുടർന്ന് മണ്ണാർക്കാട് താലൂക്ക് ആശുപത്രിയിലും പിന്നീട് മഞ്ചേരി മെഡിക്കൽ കോളജിലും ചികിത്സ നൽകി.
English Summary:
A couple was injured after a wild boar collided with their bike in Kadakkal, Kollam. In a separate incident in Palakkad, a man suffered injuries after being attacked by a wild boar while working in a plantation.
wild-boar-attack-bike-couple-injured
Wild Boar, Animal Attack, Kollam News, Palakkad, Accident, Kerala News, Injury
