ഡിജിറ്റല് സുരക്ഷയ്ക്ക് വളരെ പ്രാധാന്യമുള്ള ഇന്ത്യയില് ഓരോ മാസവും ദശലക്ഷക്കണക്കിന് അക്കൗണ്ടുകളാണ് ദുരുപയോഗം ചൂണ്ടിക്കാണിച്ച് വാട്സ്ആപ്പ് നിരോധിക്കുന്നത്. ഇപ്പോൾ പുറത്തുവന്ന റിപ്പോർട്ടുകൾ അനുസരിച്ച് ലക്ഷക്കണക്കിന് റിപ്പോർട്ടുകളാണ് വാട്സാപ്പ് പൂട്ടിയത്. WhatsApp has banned more than 85 lakh accounts in India
വാട്സ്ആപ്പ് 2024 സെപ്റ്റംബര് മാസം 8,584,000 (85 ലക്ഷത്തിലധികം) അക്കൗണ്ടുകള് ഇന്ത്യയില് നിരോധിച്ചതായിട്ടാണ് റിപ്പോർട്ട്. ആപ്ലിക്കേഷന്റെ ദുരുപയോഗം തടയാനും വിശ്വാസ്യത വര്ധിപ്പിക്കാനുമുള്ള നടപടികളുടെ ഭാഗമായാണ് നടപടി.
ഉപഭോക്താക്കളുടെ അപ്പീലിനെ തുടര്ന്ന് ഇതില് 33 അക്കൗണ്ടുകളുടെ വിലക്ക് പിൻവലിച്ചിട്ടുണ്ട്. നവംബര് 1ന് പുറത്തുവിട്ട റിപ്പോര്ട്ടിലാണ് ഇക്കാര്യം പറയുന്നത്. അക്കൗണ്ടുകള്ക്കെതിരെ ഒരൊറ്റ മാസം കൊണ്ടാണ് വാട്സ്ആപ്പ് നടപടി സ്വീകരിച്ചത്.
അക്കൗണ്ട് ഉടമകളില് നിന്ന് 8,161 പരാതികളാണ് വാട്സ്ആപ്പിന് 2024 സെപ്റ്റംബര് മാസം ലഭിച്ചത്. അവയില് 3,744 എണ്ണം നിരോധന അപ്പീലുകളായിരുന്നു. ഇവ പരിഗണിച്ച് 33 അക്കൗണ്ടുകളുടെ നിരോധനം വാട്സ്ആപ്പ് നീക്കി. ഈ അക്കൗണ്ടുകള് പുനഃസ്ഥാപിച്ചിട്ടുണ്ട്. 1,658,000 അക്കൗണ്ടുകള് ഉപഭോക്താക്കളുടെ പരാതിയൊന്നും ഇല്ലാതെ നിരോധിച്ചവയാണ്.
