മലയാളികളുടെ മനസ്സിൽ ഗൃഹാതുരത്വം ഉണ്ടാക്കുന്ന ഒന്നാണ് അമ്മ അമ്മിക്കല്ലിൽ അരച്ച് ഉരുട്ടി എടുത്ത ചമ്മന്തിയും ചൂട് കുത്തരി ചോറും. വാഴയിലയിൽ കെട്ടുന്ന പൊതിച്ചോറിലും ചമ്മന്തി ഒഴിച്ചു കൂടാനാവാത്ത ഒരു വിഭവം ആയിരുന്നു. കാലം എത്ര മാറിയിട്ടും ഇന്നും ഊണിനു ഒരു ചമ്മന്തി ഉണ്ടെങ്കിൽ ചോറ് കഴിക്കാൻ മറ്റൊന്നും വേണമെന്നില്ല… ഒരു അടിപൊളി തേങ്ങാ പുളി ചമ്മന്തി ഉണ്ടാക്കിയാലോ
ചേരുവകൾ
തേങ്ങാ ചിരവിയത് – ഒരു മുറി തേങ്ങയുടെ
ചുവന്നുള്ളി – മൂന്നെണ്ണം
വാളൻ പുളി – ഒരു നെല്ലിക്ക വലുപ്പത്തിൽ
ഉപ്പ് – പാകത്തിന്
കറി വേപ്പില – അഞ്ചു ഇലകൾ
മുളക്‌പൊടി – അര ടേബിൾ സ്പൂൺ ( മുളകുപൊടി കൂടരുത്, ഇതിനു പകരം വറ്റൽ മുളക് ഉപയോഗിയ്ക്കാം)
വെള്ളം ഒരു സ്പൂൺ
തയ്യാറാക്കുന്ന വിധം
ഈ ചേരുവകൾ എല്ലാം കൂടി അമ്മിക്കല്ലിൽ / ഒരു മിക്‌സർ ജാറിൽ ഇട്ടു അരച്ച് എടുക്കുക. ഒരുപാട് അരഞ്ഞു പോകാതെ നോക്കണം. ശേഷം ഒരു പാത്രത്തിലേക്കു മാറ്റി ഉരുട്ടി എടുത്തു വെയ്ക്കുക. ഇനി ചൂട് ചോറിന്റെ കൂടെ കഴിയ്ക്കാവുന്നതാണ്.
Read Also : കിടുക്കാച്ചി മട്ടണ്‍ സ്റ്റൂ ഉള്ളപ്പോ പിന്നെന്ത് വേണം
