മലപ്പുറം: നിലമ്പൂരിലെ എൽഡിഎഫ് സ്ഥാനാർത്ഥി ശക്തനാണോയെന്ന് തിരഞ്ഞെടുപ്പ് കഴിയുമ്പോൾ അറിയാമെന്ന് പി വി അൻവർ. മത്സരത്തിന്റെ കടുപ്പവും സ്ഥാനാർഥിയുടെ വലുപ്പവും എൽഡിഎഫ് രാഷ്ട്രീയത്തിന്റെ വലുപ്പവുമൊക്കെ 23ാം തിയതി വോട്ടെണ്ണുമ്പോഴാണ് അറിയുകയെന്നും അതുവരെ എല്ലാവരും സമൻമാരല്ലെ എന്നും പി വി അൻവർ പറഞ്ഞു.
താൻ ഉയർത്തി കൊണ്ടുവന്ന പിണറായിസത്തിനെതിരെ വികാരം നിലമ്പൂരിൽ ഉണ്ടെന്നും പി വി അൻവർ പറഞ്ഞു. ജനങ്ങളുടെ മനസല്ലേ തിരഞ്ഞെടുപ്പിൽ പ്രതിഫലിക്കുന്നത്. ആ മനസ് എന്താണെന്നത് വരുന്ന 23ാം തിയതി അറിയാം.
ആ മനസ് ഞാൻ ഉയർത്തിക്കൊണ്ടുവന്ന പിണറായിസത്തിന് എതിരാണ്. ഓരോ ദിവസവും മനുഷ്യന്റെ നിത്യജീവിതത്തെ ബാധിക്കുന്ന വിഷയങ്ങൾ എല്ലാം തിരഞ്ഞെടുപ്പ് ദിവസം ജനങ്ങളുടെ മനസിനെ സ്വാധീനിക്കുമെന്നും പി വി അൻവർ പറഞ്ഞു.
അതേസമയം കേരളത്തിലെ എൽഡിഎഫ് സർക്കാരിനോട് ജനങ്ങൾക്ക് വലിയ മമതയും പ്രതിബദ്ധതയുമുണ്ടെന്നും ഇത് നിലമ്പൂരിലെ ഉപതെരഞ്ഞെടുപ്പിലും പ്രതിഫലിക്കുമെന്നും എൽഡിഎഫ് സ്ഥാനാർത്ഥി എം സ്വരാജ് മാധഅയമങ്ങളോട് പറഞ്ഞു.
ആത്മവിശ്വാസത്തോടെയാണ് എൽഡിഎഫും സിപിഎമ്മും മുന്നോട്ടുപോകുന്നതെന്ന് പറഞ്ഞ എം സ്വരാജ് തിരഞ്ഞെടുപ്പിൽ വിജയിക്കുമെന്ന് തികഞ്ഞ ആത്മവിശ്വാസമുണ്ടെന്നും പറഞ്ഞു.
