എന്നും വിവാദങ്ങളിലൂടെ വാര്‍ത്തകളില്‍ നിറയാറുള്ള താരമാണ് വിനായകന്‍.ഗോവയിലെ ഒരു ഭക്ഷണശാലയുടെ മുന്നിൽ നിന്ന് അസഭ്യം പറയുന്ന വിനായകന്റെ വിഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്.
നടുറോഡില്‍ നിന്ന് ചായക്കടക്കാരെ ചീത്ത വിളിക്കുകയാണ് വിനായകന്‍. ചായക്കടയിലെ ആളുകളെ ഇംഗ്ലിഷിൽ ചീത്ത പറയുന്ന വിനായകനെ വിഡിയോയിൽ കാണാം.
ആരോ മൊബൈലിൽ പകർത്തിയ ദൃശ്യങ്ങൾ സമൂഹ മാധ്യമങ്ങളിൽ പോസ്റ്റ് ചെയ്തതോടെയാണ് സംഭവം വൈറലായത്. ഇതു കണ്ടതോടെ ഇതേതെങ്കിലും സിനിമാ ഷൂട്ടിങ് ആണോ എന്ന് ആളുകൾ സംശയം പ്രകടിപ്പിച്ചിരുന്നു.
വെള്ള ടീ ഷര്‍ട്ടും നിക്കറും ധരിച്ചാണ് വിനായകന്‍ ചായക്കടക്കു മുമ്പിൽ നില്‍ക്കുന്നത്. കൈ പിന്നില്‍ കെട്ടി നിന്ന് രൂക്ഷമായി പ്രതികരിക്കുകയാണ് വിനായകൻ. ഇംഗ്ലീഷിലാണ് അസഭ്യവർഷം. ഇത് കേട്ട് ചുറ്റും ആളുകള്‍ നോക്കി നില്‍ക്കുന്നതും കാണാം.
ജയിലര്‍ സിനിമയിലെ വില്ലന്‍ യഥാര്‍ത്ഥ ജീവിതത്തില്‍ എന്ന കാപ്ഷനോടെയാണ് വിഡിയോ പ്രചരിക്കുന്നത്. ഗോവയിലേക്കുള്ള യാത്രയ്ക്കിടെ വിമാനജീവനക്കാരോട് അപമര്യാദയായി പെരുമാറിയതിന് വിനായകനെ അറസ്റ്റ് ചെയ്തിരുന്നു.
വ്യക്തിപരമായ കാര്യങ്ങൾക്കായാണ് വിനായകൻ ഗോവയിൽ പോയതെന്ന് സുഹ്യത്തുക്കൾ പറഞ്ഞു. ഇന്നു നാട്ടിലേക്ക് തിരിച്ചെത്തുമെന്നാണ് അവർ പറയുന്നത് അതിനിടെയാണ് ഗോവയിലെ ഭക്ഷണശാലയിലെ ആളുകളുമായി വാക്കുതർക്കമുണ്ടായത്. എന്താണ് കാരണമെന്നത് വ്യക്തമല്ലെന്ന് വിനായകനോട് അടുത്ത വൃത്തങ്ങൾ പറഞ്ഞു
