ടാർസൻ പോലും ഒരു കഷ്ണം തുണി ധരിക്കാറുണ്ട്; പൂർണ നഗ്നനായി നടൻ വിദ്യുത് ജാംവാൾ; വിവസ്ത്രനായി മരത്തിൽ കയറുന്ന വീഡിയോ
മുംബൈ: ആരാധകരെ അമ്പരപ്പിച്ച് നടൻ വിദ്യുത് ജാംവാൾ പൂർണനഗ്നനായി മരത്തിൽ കയറുന്ന വീഡിയോ സോഷ്യൽ മീഡിയയിൽ പങ്കുവെച്ചു.
ഇൻസ്റ്റഗ്രാമിലൂടെ പുറത്തുവിട്ട വീഡിയോയിൽ സ്വകാര്യഭാഗം ഇമോജിയിലൂടെ മറച്ചാണ് എഡിറ്റ് ചെയ്തിരിക്കുന്നത്. വീഡിയോയ്ക്കൊപ്പം വിശദമായ കുറിപ്പും വിദ്യുത് പങ്കുവെച്ചിട്ടുണ്ട്.
കളരിപ്പയറ്റ് അഭ്യാസിയായ താൻ വർഷത്തിൽ ഒരിക്കൽ ‘സഹജ’ എന്ന യോഗാഭ്യാസം ആചരിക്കാറുണ്ടെന്ന് വിദ്യുത് ക്യാപ്ഷനിലൂടെ വ്യക്തമാക്കി.
‘സഹജ’ എന്നത് സ്വാഭാവികമായ വിശ്രമാവസ്ഥയിലേക്കും സഹജവാസനകളിലേക്കും മടങ്ങുന്നതാണെന്നും, ഇതിലൂടെ പ്രകൃതിയുമായും ഉള്ളിലെ അവബോധവുമായും ആഴത്തിലുള്ള ബന്ധം രൂപപ്പെടുന്നുവെന്നും അദ്ദേഹം കുറിച്ചു.
ശാസ്ത്രീയമായി നോക്കുമ്പോൾ ഈ അഭ്യാസം ശരീരത്തിലെ നിരവധി ന്യൂറോ റിസപ്റ്ററുകളെയും പ്രോപ്രിയോസെപ്റ്ററുകളെയും സജീവമാക്കുന്നതായും, സെൻസറി ഫീഡ്ബാക്ക് വർധിപ്പിച്ച് സന്തുലിതാവസ്ഥയും ഏകോപന ശേഷിയും മെച്ചപ്പെടുത്തുന്നതായും വിദ്യുത് വിശദീകരിച്ചു.
ശരീരബോധവും ഏകാഗ്രതയും വർധിപ്പിക്കുന്നതിലും ഇത് സഹായകരമാണെന്നും അദ്ദേഹം കൂട്ടിച്ചേർത്തു.
വിദ്യുത് ജാംവാൾ പങ്കുവെച്ച വീഡിയോ ഇതിനകം 55 ലക്ഷത്തിലധികം ആളുകൾ കണ്ടുകഴിഞ്ഞു. വീഡിയോയ്ക്ക് താഴെ നിരവധി പേരാണ് പ്രതികരണങ്ങളുമായി എത്തിയത്.
‘ടാർസൻ പോലും ഒരു കഷ്ണം തുണി ധരിക്കാറുണ്ട്; നിങ്ങൾ മറ്റൊരു ലോകത്താണ്’ എന്നാണ് ഒരാളുടെ കമന്റ്. ‘മരത്തിൽ കയറാൻ പൂർണനഗ്നനാകേണ്ട ആവശ്യമുണ്ടായിരുന്നോ?’
എന്ന് മറ്റൊരാൾ ചോദിച്ചു. അതേസമയം, ‘നിങ്ങളുടെ ആത്മവിശ്വാസം പ്രചോദനമാണ്’ എന്ന പ്രതികരണങ്ങളും വീഡിയോയ്ക്ക് ലഭിച്ചു.
English Summary
Actor Vidyut Jammwal surprised fans by sharing a video of himself climbing a tree completely naked, edited with emojis for modesty. In his caption, he explained the practice as part of his annual ‘Sahaja’ yogic discipline, which helps reconnect with nature and inner awareness. The video has gone viral, crossing 5.5 million views and drawing mixed reactions from netizens.
vidyut-jammwal-nude-tree-climbing-video-instagram
Vidyut Jammwal, Bollywood News, Viral Video, Instagram Post, Sahaja Yoga, Celebrity News, Social Media Buzz, Fitness Lifestyle
