മൂവാറ്റുപുഴ: പള്ളി വികാരിയെ കെട്ടിടത്തിൽ തൂങ്ങി മരിച്ച നിലയിൽ കണ്ടെത്തി. വാഴക്കുളം സെന്റ് ജോർജ് ഫൊറോനാ പള്ളി വികാരി ഫാ. ജോസഫ് കുഴിക്കണ്ണിയിലിനെ ആണ് പള്ളിക്ക് സമീപമുള്ള കെട്ടിടത്തിൽ ജീവനൊടുക്കിയ നിലയിൽ കണ്ടത്. വ്യാഴാഴ്ച പുലർച്ചെ അഞ്ചിനാണ് പള്ളിയുടെ പാചക പുരയോടു ചേർന്നുള്ള കെട്ടിടത്തിൽ ഫാ. ജോസഫിനെ തൂങ്ങി മരിച്ച നിലയിൽ കണ്ടെത്തിയത്.
പള്ളിയിൽ നിന്നു വിവരമറിഞ്ഞെത്തിയ വിശ്വാസികൾ ഉടൻ അദ്ദേഹത്തെ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു. മൃതദേഹം മൂവാറ്റുപുഴ നിർമല മെഡിക്കൽ സെന്റർ മോർച്ചറിയിൽ സൂക്ഷിച്ചിരിക്കുകയാണ്. ബുധനാഴ്ച നടന്ന വാഴക്കുളം സർവീസ് സഹകരണ ബാങ്ക് ശതാബ്ദി ആഘോഷങ്ങളിൽ അദ്ദേഹം സജീവമായി പങ്കെടുത്തിരുന്നു.
