ഗൃഹനാഥൻ തെങ്ങിൽ നിന്നു വീണ് മരിച്ച വീട്ടിൽ രാത്രി കവർച്ച; ഒരു പവന്റെ സ്വർണവള ജനലിലൂടെ മുറിച്ചെടുത്തു
വണ്ടൂർ ∙ തെങ്ങിൽ നിന്നു വീണ് ഗൃഹനാഥൻ മരിച്ച വീട്ടിൽ കബറടക്കം കഴിഞ്ഞ രാത്രിയിൽ കവർച്ച. ശാന്തിനഗർ താഴെപ്പറമ്പൻ അസ്കറിന്റെ വീട്ടിലാണ് സംഭവം.
അസ്കറിന്റെ ഭാര്യ സുലൈഖയുടെ സഹോദരിയുടെ ഒരു പവൻ തൂക്കം വരുന്ന സ്വർണവളയാണ് ജനൽ വഴി കയറിയ മോഷ്ടാവ് മുറിച്ചെടുത്ത് കടന്നത്.
ബുധനാഴ്ച വൈകിട്ടായിരുന്നു അസ്കറിന്റെ കബറടക്കം. രാത്രി വീട്ടിൽ സുലൈഖയുടെ സഹോദരിയുൾപ്പെടെ മൂന്ന് സ്ത്രീകൾ ഒരുമുറിയിൽ ഉറങ്ങിക്കിടക്കുന്നതിനിടെയാണ് സംഭവം.
ജനലിനോട് ചേർന്ന് കിടന്നിരുന്ന സ്ത്രീയുടെ കൈയിലെ വള കട്ടർ പോലുള്ള ഉപകരണത്തോടെ മുറിച്ചെടുത്തെന്നാണ് സംശയം.
പരാതിയെ തുടർന്ന് പൊലീസ് ഡോഗ് സ്ക്വാഡിനെയും ശാസ്ത്രീയ അന്വേഷണ സംഘത്തെയും സ്ഥലത്തെത്തിച്ച് പരിശോധന നടത്തി. മോഷ്ടാവിനെ കണ്ടെത്താൻ അന്വേഷണം ഊർജിതമാക്കിയതായി പൊലീസ് അറിയിച്ചു.
English Summary:
A burglary occurred in Vandoor at the house of a man who had died after falling from a coconut tree. During the night after his burial, a thief allegedly cut off a one-sovereign gold bangle from a sleeping woman’s hand through a window. Police have launched an investigation.
vandoor-night-theft-bangle
Vandoor, Theft, Crime, Kerala News, Police Investigation, Burglary
