സീറ്റില്ലെങ്കിൽ ടിക്കറ്റില്ല; വന്ദേ ഭാരത് സ്ലീപ്പർ ട്രെയിനുകൾ അടുത്ത ആഴ്ച മുതൽ
ഇന്ത്യൻ റെയിൽവേയുടെ അഭിമാന പദ്ധതിയായ വന്ദേ ഭാരത് സ്ലീപ്പർ ട്രെയിനുകൾ അടുത്ത ആഴ്ച മുതൽ സർവീസ് ആരംഭിക്കും.
രാജധാനി എക്സ്പ്രസിനെക്കാൾ കൂടുതൽ വേഗതയും അത്യാധുനിക സൗകര്യങ്ങളും വാഗ്ദാനം ചെയ്യുന്ന ഈ ട്രെയിനിൽ ടിക്കറ്റ് ബുക്കിംഗ് സംവിധാനത്തിൽ തന്നെ വലിയ മാറ്റങ്ങളാണ് റെയിൽവേ നടപ്പാക്കുന്നത്.
വന്ദേ ഭാരത് സ്ലീപ്പർ ട്രെയിനുകളിൽ സീറ്റ് പങ്കിടുന്ന ആർഎസി സംവിധാനം ഉണ്ടായിരിക്കില്ല. വെയിറ്റിംഗ് ലിസ്റ്റ് ടിക്കറ്റുകളും അനുവദിക്കില്ല.
കൺഫേംഡ് ടിക്കറ്റുള്ള യാത്രക്കാർക്ക് മാത്രമേ യാത്ര ചെയ്യാനാകൂ. സീറ്റുകൾ ലഭ്യമല്ലെങ്കിൽ ടിക്കറ്റ് ഇഷ്യൂ ചെയ്യില്ലെന്ന് റെയിൽവേ ബോർഡ് വ്യക്തമാക്കി.
രാജധാനി എക്സ്പ്രസിനേക്കാൾ അല്പം ഉയർന്ന നിരക്കായിരിക്കും വന്ദേ ഭാരത് സ്ലീപ്പറിന്. കുറഞ്ഞത് 400 കിലോമീറ്റർ ദൂരത്തിനുള്ള ചാർജ് ഈടാക്കും.
3 എസി: കിലോമീറ്ററിന് 2.4 രൂപ (400 കി.മീ. – ₹960 + GST)
2 എസി: കിലോമീറ്ററിന് 3.1 രൂപ (400 കി.മീ. – ₹1,240 + GST)
1 എസി: കിലോമീറ്ററിന് 3.8 രൂപ (400 കി.മീ. – ₹1,520 + GST)
മണിക്കൂറിൽ 180 കിലോമീറ്റർ വേഗതയിൽ ഓടാൻ ശേഷിയുണ്ടെങ്കിലും, തുടക്കത്തിൽ 130 കിലോമീറ്റർ വേഗതയിലായിരിക്കും സർവീസ്. അപകടങ്ങൾ ഒഴിവാക്കാൻ കവച് സുരക്ഷാ സാങ്കേതികവിദ്യയും ട്രെയിനിൽ ഉൾപ്പെടുത്തിയിട്ടുണ്ട്.
ഓട്ടോമാറ്റിക് വാതിലുകൾ, കുറഞ്ഞ ശബ്ദ മലിനീകരണമുള്ള കോച്ചുകൾ, മികച്ച സസ്പെൻഷൻ, ആധുനിക ബർത്തുകൾ എന്നിവ യാത്ര കൂടുതൽ സുഖകരമാക്കും.
ആകെ 16 കോച്ചുകളാണ് ട്രെയിനിലുണ്ടാകുക — 11 3AC, 4 2AC, 1 1AC. ആദ്യ ഘട്ടത്തിൽ പശ്ചിമ ബംഗാളിലും അസമിലുമായി ഒൻപത് പ്രധാന സ്റ്റേഷനുകളിലാണ് സ്റ്റോപ്പ് അനുവദിച്ചിരിക്കുന്നത്. ഗുവഹാത്തി–ഹൗറ യാത്രയിൽ ഏകദേശം മൂന്ന് മണിക്കൂർ സമയം ലാഭിക്കാനാകും.
English Summary:
Indian Railways is set to launch the Vande Bharat Sleeper trains next week, offering faster travel and advanced facilities compared to the Rajdhani Express. The new trains will allow only confirmed tickets—no RAC or waiting list bookings. Ticket fares will be slightly higher than Rajdhani, with a minimum charge for 400 km. Equipped with modern safety systems, automatic doors, and premium interiors, the train will initially run at 130 kmph. The Guwahati–Howrah route is expected to save nearly three hours of travel time.
vande-bharat-sleeper-train-ticket-rules-fares-service-launch
Vande Bharat Sleeper, Indian Railways, Train Service, Railway News, Ticket Booking Rules, Rajdhani Express, High Speed Trains, India Transport
