കനത്ത ഹിമക്കാറ്റ്; അമേരിക്കയിൽ ജനജീവിതം സ്തംഭിച്ചു, 9,000 വിമാന സർവീസുകൾ റദ്ദാക്കി
വാഷിങ്ടൻ: കനത്ത ഹിമക്കാറ്റ്; അമേരിക്കയിൽ ജനജീവിതം സ്തംഭിച്ചു, 9,000 വിമാന സർവീസുകൾ റദ്ദാക്കി
കനത്ത ഹിമക്കാറ്റും ശക്തമായ മഞ്ഞുവീഴ്ചയും അമേരിക്കയിലുടനീളം ജനജീവിതം നിശ്ചലമാക്കി.
അപകടകരമായ കാലാവസ്ഥയെ തുടർന്ന് വാരാന്ത്യത്തിൽ നടത്താനിരുന്ന ഏകദേശം 9,000 വിമാന സർവീസുകളാണ് രാജ്യത്ത് റദ്ദാക്കിയത്.
നിരവധി വിമാനത്താവളങ്ങൾ ശൂന്യമായതോടെ യാത്രാപദ്ധതികൾ പൂർണമായി തകരാറിലായി. റോഡ് ഗതാഗതവും പല പ്രദേശങ്ങളിലും നിലച്ചിരിക്കുകയാണ്.
ഹിമക്കാറ്റ് കൂടുതൽ ശക്തമാകുമെന്ന മുന്നറിയിപ്പിനെ തുടർന്ന് വിവിധ സംസ്ഥാനങ്ങളിൽ ഭരണകൂടങ്ങൾ കർശന നിയന്ത്രണങ്ങൾ ഏർപ്പെടുത്തി.
ജനങ്ങൾ വീടിനുള്ളിൽ തന്നെ കഴിയണമെന്ന് ഗവർണർമാർ അഭ്യർത്ഥിച്ചു. കെന്റക്കി ഉൾപ്പെടെ പല സംസ്ഥാനങ്ങളിലും അടിയന്തരാവസ്ഥ പ്രഖ്യാപിച്ചിട്ടുണ്ട്.
പൊതുചടങ്ങുകളും കൂട്ടായ്മകളും റദ്ദാക്കിയതോടെ പള്ളികളിലെ ഞായറാഴ്ച ശുശ്രൂഷകൾ ഓൺലൈൻ വഴിയാക്കി. സ്കൂളുകളും കോളജുകളും അടച്ചിട്ടു.
ന്യൂ മെക്സിക്കോ മുതൽ ന്യൂ ഇംഗ്ലണ്ട് വരെ വ്യാപിച്ചുകിടക്കുന്ന പ്രദേശങ്ങളിലെ ഏകദേശം 14 കോടി പേർക്ക് ജാഗ്രതാ നിർദേശം നൽകിയതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
കിഴക്കൻ ടെക്സസ് മുതൽ നോർത്ത് കാരോലൈന വരെ വ്യാപകമായ മഞ്ഞുവീഴ്ച ഉണ്ടാകുമെന്നും മുന്നറിയിപ്പുണ്ട്.
അടുത്ത ദിവസങ്ങളിലും ഹിമക്കാറ്റിന്റെ ശക്തി കുറയില്ലെന്നും, യുഎസിന്റെ പകുതിയോളം പ്രദേശങ്ങളിൽ അതിശക്തമായ മഞ്ഞുവീഴ്ച തുടരുമെന്നും അധികൃതർ വ്യക്തമാക്കി.
ആലിപ്പഴത്തെക്കാൾ ചെറുതായ മഞ്ഞുകട്ടകൾ കൂമ്പാരമായി അടിഞ്ഞുകൂടി അപകടകരമായ സാഹചര്യം സൃഷ്ടിക്കുകയാണ്. ഈ ഹിമക്കാറ്റ് ചുഴലിക്കാറ്റുകൾ സൃഷ്ടിക്കുന്നതിലും വലിയ നാശനഷ്ടങ്ങൾ ഉണ്ടാക്കുമെന്ന ആശങ്കയും നിലനിൽക്കുന്നു.
ഇതിനിടെ, പ്രതികൂല കാലാവസ്ഥയെ തുടർന്ന് എയർ ഇന്ത്യ ജനുവരി 25, 26 തീയതികളിൽ ന്യൂയോർക്ക്, നെവാർക്ക് എന്നിവിടങ്ങളിലേക്കും അവിടെ നിന്നുമുള്ള എല്ലാ സർവീസുകളും റദ്ദാക്കിയതായി അറിയിച്ചു.
യാത്രക്കാരുടെയും ജീവനക്കാരുടെയും സുരക്ഷയാണ് മുൻഗണനയെന്ന് എയർ ഇന്ത്യ വ്യക്തമാക്കി.
English Summary:
Severe snowstorms and blizzard conditions have brought normal life to a standstill across the United States, forcing the cancellation of nearly 9,000 flights over the weekend. Several states have declared emergencies, urged residents to stay indoors, and shut down schools and public gatherings. Weather alerts have been issued for nearly 140 million people, with officials warning that the storm could cause damage more severe than hurricanes. Air India has cancelled all New York and Newark flights on January 25 and 26 citing safety concerns.
us-severe-snowstorm-blizzard-flights-cancelled-emergency
United States snowstorm, blizzard alert, flight cancellations, US emergency, winter storm warning, Air India flight cancellation
