ഓട്ടോപേയിൽ പണം പോകില്ല; യുപിഐയിൽ വൻ മാറ്റങ്ങൾ
ഡിജിറ്റൽ പണമിടപാടുകൾ കൂടുതൽ ലളിതവും സുരക്ഷിതവുമാക്കുന്നതിന്റെ ഭാഗമായി യുപിഐ ഓട്ടോപേ (UPI AutoPay) സംവിധാനത്തിൽ നിർണായക മാറ്റങ്ങളുമായി നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യ (NPCI). ഒടിടി സബ്സ്ക്രിപ്ഷനുകൾ,
ഇൻഷുറൻസ് പ്രീമിയങ്ങൾ, വൈദ്യുതി ബില്ലുകൾ തുടങ്ങിയ സ്ഥിരമായ ഓട്ടോമാറ്റിക് പേയ്മെന്റുകൾ കൂടുതൽ വ്യക്തമായി നിയന്ത്രിക്കാനാണ് പുതിയ പരിഷ്കാരങ്ങൾ ലക്ഷ്യമിടുന്നത്.
ഇനി ഉപഭോക്താക്കൾക്ക് തങ്ങളുടെ യുപിഐ ആപ്പുകൾ വഴി ഏത് സേവനങ്ങൾക്കാണ് ഓട്ടോപേ അനുവദിച്ചിട്ടുള്ളതെന്ന് ഒറ്റനോട്ടത്തിൽ പരിശോധിക്കാൻ സാധിക്കും.
സബ്സ്ക്രിപ്ഷനുകൾ എടുത്ത ശേഷം അവ റദ്ദാക്കാൻ മറന്നുപോകുന്ന സാഹചര്യം ഒഴിവാക്കാൻ ഈ സംവിധാനം സഹായകമാകും.
നിലവിലുള്ള ഓട്ടോപേ സബ്സ്ക്രിപ്ഷനുകൾ താൽക്കാലികമായി നിർത്തുകയോ പൂർണമായി റദ്ദാക്കുകയോ ചെയ്യാനുള്ള നടപടികൾ കൂടുതൽ ലളിതമാക്കിയിട്ടുണ്ട്.
ഇതുസംബന്ധിച്ച് ബാങ്കുകൾക്കും ഡിജിറ്റൽ പേയ്മെന്റ് ആപ്പുകൾക്കും എൻപിസിഐ കർശന നിർദ്ദേശങ്ങൾ നൽകിയിട്ടുണ്ട്.
അക്കൗണ്ടിൽ നിന്ന് പണം ഡെബിറ്റ് ചെയ്യുന്നതിന് 24 മണിക്കൂർ മുമ്പ് ഉപഭോക്താവിന് നിർബന്ധമായും നോട്ടിഫിക്കേഷൻ ലഭിക്കുമെന്ന് പുതിയ സംവിധാനം ഉറപ്പാക്കുന്നു.
ഉപഭോക്താവിന്റെ വ്യക്തമായ സമ്മതമില്ലാതെ ഓട്ടോപേ മാൻഡേറ്റുകളിൽ മാറ്റം വരുത്താൻ ഇനി കമ്പനികൾക്ക് സാധിക്കില്ല.
കൂടുതൽ സുതാര്യതയും ഉപഭോക്തൃ നിയന്ത്രണവും ഉറപ്പാക്കുന്നതിലൂടെ ഡിജിറ്റൽ പണമിടപാടുകളിലുള്ള വിശ്വാസം ശക്തിപ്പെടുത്തുകയാണ് എൻപിസിഐയുടെ ലക്ഷ്യം.
പുതിയ പരിഷ്കാരങ്ങൾ പ്രാബല്യത്തിൽ വരുന്നതോടെ ഉപഭോക്താക്കൾക്ക് ഡിജിറ്റൽ ഇടപാടുകളിൽ കൂടുതൽ നിയന്ത്രണവും സുരക്ഷയും ലഭിക്കും.
English Summary
The National Payments Corporation of India (NPCI) has introduced major changes to the UPI AutoPay system to enhance transparency and user control. Users can now easily track all active auto-debit mandates such as OTT subscriptions, insurance premiums, and utility bills through their UPI apps. The updated system allows users to pause or cancel subscriptions more easily and ensures mandatory notifications 24 hours before any auto-debit. These reforms aim to prevent unauthorized deductions and strengthen trust in digital payments.
upi-autopay-new-rules-npci-digital-payments
UPI AutoPay, NPCI, Digital Payments, UPI Updates, OTT Subscriptions, Auto Debit, FinTech India, Online Payments
