ഡി.പി.ഐയ്ക്ക് കുട്ടിക്കളി; യു.പി. വിഭാഗം വിദ്യാർത്ഥികൾക്ക് ഇന്ന് ഒരേസമയം 4 പരീക്ഷ
തിരുവനന്തപുരം: യു.പി. വിഭാഗം വിദ്യാർത്ഥികൾക്ക് ഒരേ ദിവസം, ഒരേ സമയം നാല് പരീക്ഷകൾ; പൊതുവിദ്യാഭ്യാസ വകുപ്പിനെതിരെ പ്രതിഷേധം
യു.പി. വിഭാഗം വിദ്യാർത്ഥികൾ പങ്കെടുക്കുന്ന നാല് പ്രധാന പരീക്ഷകൾ ഒരേ ദിവസം ഒരേ സമയത്ത് നടത്താനുള്ള പൊതുവിദ്യാഭ്യാസ വകുപ്പിന്റെ തീരുമാനത്തിനെതിരെ ശക്തമായ പ്രതിഷേധം ഉയരുന്നു.
ഇന്ന് രാവിലെ 10 മണിക്കാണ് നാല് പരീക്ഷകളും ഒരേസമയം ആരംഭിക്കുന്നത്.
മികച്ച ഗണിത വിദ്യാർത്ഥികളെ കണ്ടെത്തുന്നതിനുള്ള ‘ന്യൂ മാറ്റ്സ്’, സാമൂഹ്യശാസ്ത്ര മികവ് വിലയിരുത്തുന്ന ‘സ്റ്റെപ്സ്’, അറബിക് ടാലന്റ് സെർച്ച് പരീക്ഷയായ ‘അൽമാഹിർ’, കൂടാതെ ഡി.പി.ഐ പ്രസിദ്ധീകരിച്ച ടൈംടേബിൾ പ്രകാരം കേരള ഹിന്ദി പ്രചാര സഭയുടെ ‘സുഗമ ഹിന്ദി’ പരീക്ഷയുമാണ് ഒരേ സമയം നടത്തപ്പെടുന്നത്.
മിടുക്കരായ നിരവധി വിദ്യാർത്ഥികൾക്ക് ഈ നാല് പരീക്ഷകളിലും പങ്കെടുക്കാനുള്ള താൽപര്യമുണ്ടെങ്കിലും, ഒരേ സമയക്രമം മൂലം ഏതെങ്കിലും ഒരു പരീക്ഷ മാത്രം തിരഞ്ഞെടുക്കേണ്ട സാഹചര്യമാണിപ്പോൾ നിലവിലുള്ളത്.
ഡി.പി.ഐയുടെ അനാസ്ഥയാണ് ഈ പ്രതിസന്ധിക്ക് കാരണമായതെന്ന് രക്ഷിതാക്കൾ ആരോപിച്ചു. മുൻവർഷങ്ങളിൽ ഈ പരീക്ഷകൾ വ്യത്യസ്ത തീയതികളിലായിരുന്നുവെന്നും, ഇത്തവണത്തെ നടപടി കുട്ടികളുടെ വിദ്യാഭ്യാസ അവസരങ്ങൾ നിഷേധിക്കുന്നതിന് തുല്യമാണെന്നും രക്ഷിതാക്കൾ പറയുന്നു.
‘സ്റ്റെപ്സ്’, ‘ന്യൂ മാറ്റ്സ്’ പരീക്ഷകൾ ഡിജിറ്റൽ രീതിയിലാണ് നടത്തുന്നത്. പരീക്ഷാ ദിവസം തന്നെ മൂല്യനിർണയം നടത്തണമെന്ന നിർദ്ദേശത്തിനെതിരെ അദ്ധ്യാപകരും രംഗത്തെത്തിയിട്ടുണ്ട്. അമിത ജോലിഭാരമാണ് ഇതിലൂടെ സൃഷ്ടിക്കപ്പെടുന്നതെന്നാണ് അവരുടെ പരാതി.
അശാസ്ത്രീയമായ ഈ പരീക്ഷാ സംവിധാനം മാറ്റണമെന്നും, എല്ലാ പരീക്ഷകളിലും കുട്ടികൾക്ക് പങ്കെടുക്കാൻ കഴിയുന്ന വിധത്തിൽ സമയക്രമം പുനഃക്രമീകരിക്കണമെന്നും ആവശ്യപ്പെട്ട് കെ.പി.എസ്.ടി.എ വിദ്യാഭ്യാസ മന്ത്രിക്ക് കത്ത് നൽകിയതായി സംഘടനാ നേതാവ് സാബു നീലകണ്ഠൻ നായർ അറിയിച്ചു.
English Summary
The General Education Department of Kerala has scheduled four major UP-level student talent and scholarship examinations at the same time on the same day, triggering protests from parents and teachers. As a result, many students are forced to choose only one exam. Parent groups and the KPSTA have demanded rescheduling, calling the decision unscientific and unfair to students.
up-students-four-exams-same-time-kerala-education-department-controversy
UP students exams, Kerala education department, New Maths exam, Steps exam, Al Mahir Arabic test, Sugama Hindi exam, DPI timetable, KPSTA protest, student rights, school education Kerala
