‘എന്റെ രോ​ഗാവസ്ഥ ലക്ഷ്മി നക്ഷത്രയാണ് ആദ്യം അറിയുന്നത്, ഏറ്റവും കൂടുതൽ ഹെൽപ്പ് ചെയ്ത് കൂടെ നിന്നൊരാൾ രമേഷ് പിഷാരടിയായിരുന്നു’; ഉല്ലാസ് പന്തളം

‘എന്റെ രോ​ഗാവസ്ഥ ലക്ഷ്മി നക്ഷത്രയാണ് ആദ്യം അറിയുന്നത്, ഏറ്റവും കൂടുതൽ ഹെൽപ്പ് ചെയ്ത് കൂടെ നിന്നൊരാൾ രമേഷ് പിഷാരടിയായിരുന്നു’; ഉല്ലാസ് പന്തളം

കോഴിക്കോട്: ടെലിവിഷൻ കോമഡി പരിപാടികളിലൂടെയും സ്റ്റേജ് ഷോകളിലൂടെയും കുടുംബപ്രേക്ഷകർക്ക് സുപരിചിതനായ മിമിക്രി കലാകാരൻ ഉല്ലാസ് പന്തളം മസ്തിഷ്കാഘാതത്തെ തുടർന്ന് ചികിത്സയിൽ.

രോഗത്തെ തുടർന്ന് ഒരു വശത്ത് ഭാഗിക തളർച്ച അനുഭവപ്പെടുന്ന അവസ്ഥയിലാണെന്ന് ഉല്ലാസ് വ്യക്തമാക്കി.

ഒരു പരിപാടിയിൽ അവതാരക ലക്ഷ്മി നക്ഷത്രയ്ക്കൊപ്പം വിശിഷ്ടാതിഥിയായി ഉല്ലാസ് എത്തിയപ്പോഴാണ് ആരോഗ്യസ്ഥിതി പൊതുജന ശ്രദ്ധയിൽപ്പെട്ടത്.

ഊന്നുവടിയുടെ സഹായത്തോടെ വേദിയിലേക്ക് നടന്നെത്തിയ ഉല്ലാസിനെ കണ്ട പ്രേക്ഷകർ ആദ്യം അമ്പരന്നെങ്കിലും പിന്നീട് രോഗാവസ്ഥയെക്കുറിച്ച് ഉല്ലാസും ലക്ഷ്മിയും തുറന്നുപറയുകയായിരുന്നു.

ഉല്ലാസ് ഇപ്പോൾ കൃത്യമായ ചികിത്സയും ഫിസിയോതെറാപ്പിയും തുടരുകയാണെന്നും ആരോഗ്യസ്ഥിതി പതുക്കെ മെച്ചപ്പെടുകയാണെന്നും പറയുന്നു.

ഇതിനിടയിൽ ചെറിയ ജോലികളിലും വീണ്ടും സജീവമാകാൻ തുടങ്ങിയിട്ടുണ്ട്. ‘പ്രേമപ്പനി’ എന്ന ഷോർട്ട് ഫിലിമിലൂടെ അഭിനയത്തിലേക്ക് തിരിച്ചുവരാൻ തയ്യാറെടുക്കുന്ന ഉല്ലാസ്, ദൂരദർശനിൽ ഒരു ജോലി ലഭിച്ചതായും അറിയിച്ചു.

രോഗകാലത്ത് സഹപ്രവർത്തകരും മലയാളി പ്രേക്ഷകരും പ്രവാസി സുഹൃത്തുക്കളുമടക്കം നിരവധി പേർ ഒപ്പമുണ്ടായിരുന്നുവെന്ന് ഉല്ലാസ് പറഞ്ഞു. മിമിക്രി അസോസിയേഷനും വലിയ പിന്തുണ നൽകിയതായും അദ്ദേഹം വ്യക്തമാക്കി.

ആരോഗ്യപ്രശ്നം ആദ്യം അറിഞ്ഞത് ലക്ഷ്മി നക്ഷത്രയാണെന്നും പിന്നീട് അവൾ വഴിയാണ് പലർക്കും വിവരം അറിയാനായതെന്നും ഉല്ലാസ് കൂട്ടിച്ചേർത്തു.

“സ്ലോ റിക്കവറിയാണ്. പക്ഷേ പ്രതീക്ഷയുണ്ട്. ഒരു വർഷം കൂടി കാത്തിരിക്കണം. അടുത്ത സീസണോടെ സ്റ്റേജിൽ കയറാൻ കഴിയുമെന്നാണ് വിശ്വാസം,” എന്നും ഉല്ലാസ് പറഞ്ഞു.

ബിനു അടിമാലി, നെൽസൺ, നോബി തുടങ്ങിയവർ നിരന്തരം വിളിച്ച് ആശ്വസിപ്പിച്ചിരുന്നുവെന്നും അസീസ് ഉൾപ്പെടെയുള്ളവർ വീട്ടിൽ എത്തിയിരുന്നുവെന്നും ഉല്ലാസ് പറഞ്ഞു.

രോഗകാലത്ത് ഏറ്റവും കൂടുതൽ പിന്തുണ നൽകിയവരിൽ ഒരാൾ രമേഷ് പിഷാരടി ആണെന്നും ഉല്ലാസ് നന്ദി അറിയിച്ചു.

‘പ്രേമപ്പനി’യിൽ നായകന്റെ അച്ഛന്റെ വേഷത്തിലാണ് അഭിനയിക്കുന്നതെന്നും ഷോർട്ട് ഫിലിം കാണുകയും അഭിപ്രായം അറിയിക്കുകയും ചെയ്ത് എല്ലാവരും പിന്തുണയ്ക്കണമെന്നും ഉല്ലാസ് അഭ്യർത്ഥിച്ചു.

English Summary

Popular mimicry artist and TV comedian Ullas Panthalam revealed that he is recovering from a stroke, which caused partial paralysis on one side. He appeared at an event with Lakshmi Nakshatra using a walking stick, shocking many viewers. Ullas said his health is improving with treatment and physiotherapy, and he is preparing to return to acting through the short film “Premapani”.

ullas-panthalam-stroke-recovery-premapani-short-film

ullas panthalam, mimicry artist, malayalam comedy, tv comedian, stroke, health update, lakshmi nakshatra, physiotherapy, premappani, short film, malayalam news