അസ്ഥിരമായ കാലാവസ്ഥ പ്രവചനത്തെ തുടര്ന്ന് ഷാര്ജയിലെയും ദുബായിലെയും എല്ലാ സ്കൂളുകള്ക്കും മെയ് രണ്ട് വ്യാഴാഴ്ച അവധി പ്രഖ്യാപിച്ചു. വ്യാഴാഴ്ച എമിറേറ്റിലെ എല്ലാ വിദ്യാഭ്യാസ സ്ഥാപനങ്ങള്ക്കും ഓൺലൈൻ ക്ലാസ് ആയിരിക്കുമെന്ന് ഷാര്ജ പ്രൈവറ്റ് എജ്യൂക്കേഷനല് അതോറിറ്റി അറിയിച്ചു.
ഷാര്ജ സ്പോര്ട്സ് കൗണ്സില് സംഘടിപ്പിക്കുന്ന എല്ലാ കായിക പ്രവര്ത്തനങ്ങളും മെയ് രണ്ട്, മൂന്ന് തീയതികളില് നിര്ത്തിവെക്കും. അസ്ഥിരമായ കാലാവസ്ഥയെ തുടര്ന്ന് എമിറേറ്റിലെ പാര്ക്കുകളും അടച്ചിടും. സ്കൂളുകള്, നഴ്സറികള്, യൂണിവേഴ്സിറ്റികള് എന്നിവക്കെല്ലാം ഓൺലൈൻ ക്ലാസ്സുകളായിരിക്കും. വിദ്യാര്ത്ഥികളുടെയും അധ്യാപകരുടെയും സുരക്ഷ പരിഗണിച്ചാണ് തീരുമാനം.
അതേസമയം എല്ലാ സര്ക്കാര്, സ്വകാര്യ ജീവനക്കാര്ക്കും വര്ക്ക് ഫ്രം അനുവദിക്കാന് തൊഴിലുടമകള്ക്ക് യുഎഇ ദുരന്ത നിവാരണ അതോറിറ്റി അറിയിച്ചിട്ടുണ്ട്. ജോലിസ്ഥലത്ത് തൊഴിലാളിയുടെ സാന്നിധ്യം അനിവാര്യമായ തൊഴിലുകളൊഴികെ ബാക്കിയുള്ള മേഖലകളില് ജീവനക്കാര്ക്ക് വര്ക്ക് ഫ്രം ഹോം അനുവദിക്കണമെന്ന് ദേശീയ എമര്ജന്സി, ക്രൈസിസ് ആന്ഡ് ഡിസാസ്റ്റര് മാനേജ്മെന്റ് അതോറിറ്റി നിര്ദ്ദേശം നല്കിയിട്ടുണ്ട്.
Read More: കാറിനുള്ളിൽ കാലിക്കുപ്പിയോ ഓറഞ്ചോ നാരങ്ങയോ കരുതാറുണ്ടോ? ജീവനെടുത്തേക്കാം; എംവിഡി പറയുന്നത് ഇങ്ങനെ
