കോട്ടയം കൈപ്പുഴമുട്ട് കാർ നിയന്ത്രണം വിട്ട് പുഴയിലേക്ക് മറിഞ്ഞ് അപകടം; രണ്ടു പേർ മരിച്ചു; കണ്ടെടുത്തത് സ്ത്രീയുടെയും പുരുഷന്റെയും മൃതദേഹം

കോട്ടയത്ത് ചേർത്തല–കുമരകം റൂട്ടിൽ കൈപ്പുഴ മുട്ട് പാലത്തിനു താഴെ പുഴയിലേക്ക് കാർ മറിഞ്ഞ് രണ്ടു പേർ മരിച്ചു. രാത്രി 8.45നാണ് സംഭവം. കാറിൽ ഉണ്ടായിരുന്നവരുടെ നിലവിളികേട്ടാണ് നാട്ടുകാർ വിവരം അറിയുന്നത്. Two people died after a car went out of control and fell into the river in Kottayam

ഒരു സ്ത്രീയുടെയും പുരുഷന്റെയും മൃതദേഹമാണ് കാറിൽ നിന്നു കിട്ടിയത്. ഇവർ മഹാരാഷ്ട്ര സ്വദേശികളാണെന്നാണ് വിവരം. വാടകക്ക് എടുത്ത കാറാണെന്നാണ് വിവരം.

കുമരകം റോഡിൽനിന്നു ഇടറോഡിലേക്ക് കയറിയ കാർ നിയന്ത്രണം വിട്ട് പുഴയിലേക്ക് മറിയുകയായിരുന്നു. മീനച്ചിലാറിന്റെ കൈവഴിയായ ഇവിടെ നാലാൾ താഴ്ചയുണ്ട്. പതിനഞ്ചു മീറ്ററോളം വീതിയുമുണ്ട്.