ന്യൂഡൽഹി: പാകിസ്ഥാന് വേണ്ടി ചാരപ്രവർത്തനം നടത്തിയ രണ്ട് പേരെ പഞ്ചാബ് പോലീസ് പിടികൂടി.
ന്യൂഡൽഹിയിലെ പാക് ഹൈ കമ്മീഷനിലെ ഉദ്യോഗസ്ഥന് വേണ്ടി ചാര പ്രവർത്തനം നടത്തിയവരാണ് പിടിയിലായത്.
പാക് സ്വദേശിക്ക് സൈനിക നീക്കങ്ങൾ ചോർത്തി നൽകി എന്നതാണ് ഒരാൾക്കെതിരെ ചുമത്തിയ കുറ്റം.
ഇയാളെ ചോദ്യം ചെയ്തതിൽ നിന്നാണ് സഹായിയായ മറ്റൊരാളെ പിടികൂടിയത്.ഇന്ത്യയുടെ നിർണായകമായ സൈനിക നീക്കങ്ങൾ ചോർത്തിയെന്നാണ് എഫ്ഐആറിൽ പറയുന്നത്.
പാകിസ്ഥാന് വിവരങ്ങൾ കൈമാറിയതിലൂടെ ഇരുവരും ഓൺലൈനിലൂടെ പ്രതിഫലം കൈപ്പറ്റി എന്നും കണ്ടെത്തിയിട്ടുണ്ട്.
പഞ്ചാബിലെമലേർകോട്ല പോലീസാണ് ഇവരെ പിടികൂടിയത്. കേസിൽ പ്രാഥമിക അന്വേഷണം മാത്രമാണ് പൂർത്തിയായത്.
സംഭവവുമായി ബന്ധപ്പെട്ട് കൂടുതൽ പേർക്ക് ബന്ധമുണ്ടോയെന്ന കാര്യം പരിശോധിച്ചു വരികയാണ്.
