ട്രംപ് തീരുവ നയം; ലോകമെമ്പാടുമുള്ള ബിസിനസ്സുകൾക്ക് 1.2 ട്രില്യൺ ഡോളറോളം അധിക ചെലവ്
ഡോണൾഡ് ട്രംപ് ഭരണകാലത്ത് നടപ്പാക്കിയ വ്യാപാര നയങ്ങളുടെ ഭാഗമായി ഏർപ്പെടുത്തിയ തീരുവകൾ 2025-ൽ ലോകമെമ്പാടുമുള്ള ബിസിനസ്സുകൾക്ക് 1.2 ട്രില്യൺ ഡോളറോളം (ഏകദേശം 100 ലക്ഷം കോടി രൂപ) അധിക ചെലവ് വരുത്തുമെന്ന് എസ്&പി ഗ്ലോബൽ പുറത്തിറക്കിയ പുതിയ പഠനത്തിൽ സൂചിപ്പിക്കുന്നു.
225 കോടിയുടെ ലോട്ടറി അടിച്ചത് മലയാളിക്ക്! അനിൽകുമാർ ബി എവിടെ?
ഉപഭോക്താക്കളുടെ ചുമലിൽ മൂന്നിലിരണ്ട് ഭാഗം
റിപ്പോർട്ട് അനുസരിച്ച്, തീരുവച്ചെലവിന്റെ മൂന്നിലൊന്ന് മാത്രമാണ് ബിസിനസ്സുകൾ വഹിക്കുന്നത്. ബാക്കിയുള്ള മൂന്നിൽ രണ്ട് ഭാഗം ഉപഭോക്താക്കളുടെ മേലാണ് ചുമത്തപ്പെടുന്നത്.
ഉൽപ്പാദനം കുറയുന്നതിനാൽ ഉപഭോക്താക്കൾ കൂടുതൽ വില നൽകേണ്ടി വരും, അതുകൊണ്ട് യഥാർത്ഥ ബാധ്യത റിപ്പോർട്ടിൽ കണക്കാക്കുന്നതിലും കൂടുതലായിരിക്കാമെന്നും എസ് & പി മുന്നറിയിപ്പ് നൽകി.
ഗോൾഡ്മാൻ സാക്സ്: ഉപഭോക്താക്കളുടെ ഭാരം 70% വരെ
ഗോൾഡ്മാൻ സാക്സ് പുറത്തിറക്കിയ മറ്റൊരു റിപ്പോർട്ട് അനുസരിച്ച്, യുഎസ് ഉപഭോക്താക്കൾ ഇപ്പോൾ തീരുവച്ചെലവിന്റെ 55% വരെ വഹിക്കുകയാണ്, ഇത് 70% വരെ ഉയരാനാണ് സാധ്യത.
പ്രത്യേകിച്ച് ഫർണിച്ചർ, അടുക്കള കാബിനറ്റുകൾ തുടങ്ങിയ ഉൽപ്പന്നങ്ങൾക്കുള്ള തീരുവകൾ വർദ്ധിക്കുമ്പോൾ ഉപഭോക്താക്കളുടെ സാമ്പത്തിക ഭാരം കൂടും.
പണപ്പെരുപ്പത്തിൽ വർധനയും ലാഭത്തിൽ ഇടിവും
തീരുവ നയങ്ങൾ പണപ്പെരുപ്പ നിരക്കിൽ 0.44% വർധന ഉണ്ടാക്കിയതായും ഭാവിയിൽ ഇത് 0.6% വരെ ഉയരാമെന്നും ഗോൾഡ്മാൻ സാക്സ് വിലയിരുത്തി.
എസ്&പി റിപ്പോർട്ട് പ്രകാരം, 2025-ൽ കമ്പനികളുടെ ലാഭത്തിൽ 64 ബേസിസ് പോയിന്റ് ഇടിവ് സംഭവിക്കുമെന്ന് കണക്കാക്കുന്നു.
2026-ൽ 28 ബേസിസ് പോയിന്റ്, 2027-28-ൽ 8–10 ബേസിസ് പോയിന്റ് വരെ മെച്ചം പ്രതീക്ഷിക്കുന്നു.
തീരുവ വരുമാനത്തിൽ വർധന; കേസ് സുപ്രീം കോടതിയിൽ
അമേരിക്കയുടെ തീരുവ വരുമാനം സെപ്റ്റംബറിൽ മാത്രം 31 ബില്യൺ ഡോളർ കടന്നു, വർഷം മുഴുവൻ 215 ബില്യൺ ഡോളർ കവിയുകയും ചെയ്തു.
ഈ വരുമാനം റിബേറ്റുകൾ, സബ്സിഡികൾ, ഭക്ഷ്യസഹായ പരിപാടികൾ എന്നിവക്ക് ഉപയോഗിക്കാൻ വൈറ്റ് ഹൗസ് നിർദ്ദേശിച്ചിട്ടുണ്ട്.
അതേസമയം, ട്രംപിന്റെ തീരുവ നയത്തിനെതിരായ കേസ് നവംബർ 5-ന് അമേരിക്കൻ സുപ്രീം കോടതി പരിഗണിക്കും.
English Summary:
A new S&P Global report warns that trade tariffs imposed under Donald Trump’s administration could add $1.2 trillion in global business costs by 2025. While companies bear only one-third of the cost, consumers shoulder two-thirds, leading to inflation and profit declines. Goldman Sachs estimates that U.S. consumers already pay 55% of tariff costs, potentially rising to 70% with new tariffs. Meanwhile, the U.S. government’s tariff revenue has surged to $215 billion this year, and the Supreme Court will review related legal challenges on November 5
