ഇന്നലത്തെ പരിപാടിയില് മദ്യവും വിളമ്പി; മണിയന് പിള്ളയെ കേസില് നിന്നും രക്ഷിച്ച ഉന്നതന് ആര്
തിരുവനന്തപുരം: ‘അവതാരങ്ങളെയൊന്നും വച്ചുപൊറിപ്പിക്കില്ല’ എന്ന പ്രഖ്യാപനത്തോടെ പത്ത് വർഷം മുമ്പ് മുഖ്യമന്ത്രിയുടെ കസേരയിൽ ഇരുന്ന പിണറായി വിജയന്റെ ഭരണകാലത്ത്, അതീവ സ്വാധീനമുള്ള വ്യക്തികളുടെ പേരുകൾ വീണ്ടും വീണ്ടും ഉയരുകയാണ്.
അത്തരത്തിൽ മുഖ്യമന്ത്രിയുമായി അടുത്ത ബന്ധമുണ്ടെന്ന് പറയപ്പെടുന്ന ഒരാളുടെ നേതൃത്വത്തിൽ നടന്ന ആഡംബര ടെന്നീസ് ടൂർണമെന്റ് പാർട്ടിയാണ് കഴിഞ്ഞ ദിവസം ട്രിവാൻഡ്രം ക്ലബ്ബിൽ അരങ്ങേറിയത്.
ഒരു യുവാവിന്റെ സ്മരണയ്ക്കായി സംഘടിപ്പിച്ച ടെന്നീസ് ടൂർണമെന്റിന്റെ ആഘോഷ പരിപാടി അവസാനിപ്പിച്ച് പുറത്തേക്ക് വരുന്നതിനിടെയാണ് നടൻ മണിയൻപിള്ള രാജു സഞ്ചരിച്ച കാർ ബൈക്കിൽ എത്തിയ രണ്ട് യുവാക്കളെ ഇടിച്ചുതെറിപ്പിച്ച അപകടം ഉണ്ടായത്.
ട്രിവാൻഡ്രം ക്ലബ്ബിൽ നടന്ന ഈ പാർട്ടിയിൽ പങ്കെടുത്തശേഷം മടക്കയാത്രക്കിടെയാണ് അപകടമുണ്ടായതെന്നാണ് വിവരം.
അപകടത്തിന് പിന്നാലെ, പോലീസ് സ്വീകരിച്ച നടപടികളിൽ ഉണ്ടായ അസാധാരണമായ താമസവും ‘മര്യാദയും’ ഗുരുതരമായ സംശയങ്ങൾക്ക് ഇടയാക്കിയിരിക്കുകയാണ്.
പോലീസ് ആസ്ഥാനത്തിന് സമീപം തന്നെ അപകടം നടന്നിട്ടും, രാത്രിയിൽ തന്നെ പ്രതിയെ കസ്റ്റഡിയിലെടുത്ത് വൈദ്യപരിശോധനയ്ക്ക് വിധേയമാക്കാൻ മ്യൂസിയം പോലീസ് തയ്യാറായില്ലെന്നാണ് ആരോപണം.
ശ്രീറാം വെങ്കിട്ടരാമൻ കേസിൽ ഉണ്ടായ നടപടിക്രമ പിഴവുകൾ ഇവിടെയും ആവർത്തിച്ചുവെന്നാണ് വിമർശനം. മദ്യപാനം തെളിയിക്കാനാകാത്ത വിധം മണിക്കൂറുകൾ കടന്നുപോയ ശേഷമാണ് നടൻ പോലീസ് സ്റ്റേഷനിൽ ഹാജരായത്.
ചിക്കുൻഗുനിയ ബാധിച്ചിരുന്നുവെന്ന വാദങ്ങൾ ചോദ്യം ചെയ്യപ്പെടാതെ പോയതായും ആരോപണമുണ്ട്.
പരിക്കേറ്റ നിദേവ്, സൂരജ് എന്നീ യുവാക്കളുടെ അവസ്ഥ ഗുരുതരമായിരിക്കെ, സംഭവം കൊലപാതകശ്രമമായി പരിഗണിക്കുന്നതിന് പകരം കേസ് ലഘൂകരിക്കാൻ സ്വാധീനശക്തികൾ ഇടപെട്ടുവെന്ന ആക്ഷേപവും ശക്തമാണ്.
ട്രിവാൻഡ്രം ക്ലബ്ബിൽ നടന്ന പാർട്ടിയിൽ പങ്കെടുത്ത പ്രമുഖരുടെ വിവരങ്ങൾ പുറത്തുവരാതിരിക്കാൻ ഉന്നതതലത്തിൽ നീക്കങ്ങൾ നടക്കുന്നതായും സൂചനയുണ്ട്.
അപകടം നടന്ന സ്ഥലത്തെ സിസിടിവി ദൃശ്യങ്ങൾ പുറത്തുവന്നതോടെ, മദ്യപിച്ച് വാഹനം ഓടിച്ചെന്ന സംശയം ശക്തമാകുകയാണ്.
എന്നിരുന്നാലും, വൈകിയുള്ള അറസ്റ്റ്, പിന്നീട് നടത്തിയ വൈദ്യപരിശോധന, സ്റ്റേഷൻ ജാമ്യം എന്നിവയെല്ലാം ചേർന്ന് കേസ് അട്ടിമറിക്കപ്പെട്ടുവെന്ന ആരോപണമാണ് ഇപ്പോൾ ഉയരുന്നത്.
പരിക്കേറ്റ യുവാക്കൾ ആശുപത്രിയിൽ ചികിത്സയിൽ തുടരുമ്പോൾ, ആഭ്യന്തര വകുപ്പിനും പോലീസിനും ഇത് വലിയ നാണക്കേടായി മാറുകയാണ്.
English Summary
The road accident involving actor Maniyanpilla Raju near the Trivandrum Club has triggered serious allegations of political influence and police leniency. The incident reportedly occurred after a private tennis tournament party hosted by a person said to have close ties with the Chief Minister.
trivandrum-club-accident-maniyanpilla-raju-police-controversy
Trivandrum news, Maniyanpilla Raju, Trivandrum Club accident, Kerala police controversy, political influence, road accident Kerala, celebrity controversy, police negligence
