മലയാളികളായ ദമ്പതികളെ കുവൈത്തില് കുത്തേറ്റു മരിച്ചനിലയില് കണ്ടെത്തി. ആരോഗ്യ മന്ത്രാലയത്തിന്റെ കീഴിലുള്ള ജാബിര് ആശുപത്രിയിലെ നഴ്സായ കണ്ണൂർ സ്വദേശി സൂരജ്, ഡിഫന്സിൽ നഴ്സായ എറണാകുളം കീഴില്ലം സ്വദേശി ഭാര്യ ബിന്സി എന്നിവരെയാണ് മരിച്ച നിലയിൽ കണ്ടെത്തിയത്.
ഇന്ന് രാവിലെ അബ്ബാസിയായിലെ ഫ്ലാറ്റിൽ കെട്ടിട കാവൽക്കാരൻ വന്നു നോക്കിയപ്പോഴാണ് മരിച്ചുകിടക്കുന്ന നിലയിൽ കണ്ടെത്തിയത്. ഇരുവരും നൈറ്റ് ഡ്യൂട്ടി കഴിഞ്ഞ് രാവിലെ ഫ്ലാറ്റിലെത്തിയതാണെന്നു സുഹൃത്തുകള് പറഞ്ഞു.
ഇരുവരും വഴക്കിനെ തുടർന്ന് പരസ്പരം കുത്തി അപകടം സംഭവിച്ചു എന്നാണ് പ്രാഥമിക വിവരം. തമ്മിൽ തർക്കിക്കുന്നതും മറ്റും അയൽപക്കത്ത് താമസിക്കുന്നവർ കേട്ടതായി പറയുന്നുണ്ട്.
ഓസ്ട്രേലിയയിലേക്കു ജോലി മാറാനുള്ള നടപടികള് നടന്നുവരികയായിരുന്നു.
