തൃശൂർ: ഓസ്ട്രേലിയയ്ക്കെതിരായ ഏകദിന, ചതുർദിന പരമ്പരയ്ക്കുള്ള ഇന്ത്യൻ ക്രിക്കറ്റ് അണ്ടർ 19 ടീമിൽ ഇടം നേടി മലയാളി താരം മുഹമ്മദ് ഇനാൻ. ബാറ്റിംഗ് ഓൾ റൗണ്ടറാണ് ഇനാൻ. ഇന്ത്യൻ മുൻ താരവും പരിശീലകനുമായിരുന്ന രാഹുൽ ദ്രാവിഡിന്റെ മകൻ ഉൾപ്പടെയുള്ളവർ ഈ പരമ്പരയുടെ ഭാഗമാണ്.(Thrissur native Mohammed Enaan has made it to the Indian U-19 team)
തൃശൂർ സ്വദേശിയും കേരളവർമ്മ കോളേജിലെ ഒന്നാം വർഷ ബിരുദ വിദ്യാർത്ഥിയുമാണ് മുഹമ്മദ് ഇനാൻ. പുന്നയൂര്‍ക്കുളം പരൂര്‍ സ്വദേശി വീട്ടിലവളപ്പില്‍ ഷാനവാസ് – റഹീന ദമ്പതികളുടെ മകനാണ് ഇനാന്‍. പരമ്പരയിൽ മൂന്ന് ഏകദിനവും രണ്ട് ചതുർദിന മത്സരവുമാണുള്ളത്.
ഏകദിന മത്സരങ്ങൾ സെപ്റ്റംബർ 21, 23, 26 തിയതികളിൽ പുതുച്ചേരിയിൽ നടക്കും. തുടർന്ന് ഏക ചതുർദിന മത്സരം സെപ്റ്റംബർ 30 മുതൽ ചെന്നൈയിൽ ആരംഭിക്കും. ഏകദിന ടീമിനെ ഉത്തർപ്രദേശുകാരൻ മുഹമ്മദ് അമാനും ചതുർദിന മത്സരത്തിൽ മധ്യപ്രദേശ് സ്വദേശി സോഹം പട്വർധനും ആണ് നയിക്കുക.
