തിരുവനന്തപുരം: അങ്കണവാടിയില് നിന്ന് വീണ് മൂന്ന് വയസുകാരിക്ക് ഗുരുതരമായി പരിക്കേറ്റ സംഭവത്തില് ടീച്ചര്ക്കും ഹെല്പ്പര്ക്കുമെതിരെ പൊലീസ് കേസെടുത്തു. മാറനല്ലൂരിര് അങ്കണവാടിയിലെ ടീച്ചർ ശുഭ ലക്ഷ്മി, ഹെല്പ്പര് ലത എന്നിവർക്കെതിരെയാണ് നടപടി. ജുവനൈൽ ജസ്റ്റിസ് ആക്ട് പ്രകാരമാണ് മാറനല്ലൂർ പോലീസ് കേസ് രജിസ്റ്റർ ചെയ്തത്.(Three-year-old girl seriously injured after falling from Anganwadi; Police registered case against teacher and helper)
സംഭവത്തിൽ വിദഗ്ധ ഉപദേശം തേടിയ ശേഷമാണ് പൊലീസ് ജാമ്യം ഇല്ല വകുപ്പ് പ്രകാരം കേസ് എടുത്തത്. വനിത ശിശു വികസന ഓഫീസർ വകുപ്പ് തല നടപടിയുടെ ഭാഗമായി ഇരുവരെയും സസ്പെൻഡ് ചെയ്തിരുന്നു.
മാറനല്ലൂർ സ്വദേശികളായ രതീഷ്- സിന്ധു ദമ്പതികളുടെ മകൾ വൈഗയ്ക്കാണ് അങ്കണവാടിയിൽ നിന്ന് വീണതിനെ തുടർന്ന് ഗുരുതര പരിക്കേറ്റത്. തിരുവനന്തപുരം എസ്എടി ആശുപത്രിയിൽ ചികിത്സയിൽ തുടരുകയാണ് കുട്ടി.
വ്യാഴാഴ്ചയാണ് ഉച്ചക്ക് നടന്ന സംഭവം രാത്രിയിലാണ് വീട്ടുകാർ അറിയുന്നത്. കാര്യം തിരക്കിയപ്പോൾ കുട്ടി വീണ കാര്യം അറിയിക്കാന് മറന്നുപോയി എന്നായിരുന്നു അങ്കണവാടി ജീവനക്കാരുടെ മറുപടി.
