ഉത്തരാഖണ്ഡില് വൻ വാഹനാപകടം. വിവാഹസംഘം സഞ്ചരിച്ചിരുന്ന കാര് കൊക്കയിലേക്ക് മറിഞ്ഞ് മൂന്ന് പേര് മരിച്ചു. രണ്ട് സ്ത്രീകളും ഒരു പുരുഷനുമാണ് മരിച്ചത്. വെള്ളിയാഴ്ച വൈകിട്ടാണ് സംഭവം. Three people were killed when the car in which the wedding party was traveling overturned
ലാന്ഡൗണിലെ നവ്ഗാവിന് സമീപത്താണ് അപകടമുണ്ടായതെന്ന് പോലീസ് അറിയിച്ചു. അപകടത്തില് പത്ത് പേര്ക്ക് പരിക്കേറ്റു. എല്ലാവരും അപകടനില തരണം ചെയ്തതായി പോലീസ് പറഞ്ഞു.
വേഗത്തിലെത്താനുള്ള ധൃതിയില് പ്രധാനറോഡില്നിന്ന് മാറി മറ്റൊരു പാതയിലൂടെയാണ് ഡ്രൈവര് കാറോടിച്ചത്. നിയന്ത്രണം തെറ്റി കാര് കൊക്കയിലേക്ക് മറിയുകയായിരുന്നു.
പോലീസും ദുരന്തനിവാരണസേനയുമെത്തിയാണ് അപകടത്തില്പ്പെട്ടവരെ ഗര്ത്തത്തില്നിന്ന് പുറത്തെടുത്തത്. മൂന്നുപേരും അപകടസ്ഥലത്തുതന്നെ മരിക്കുകയായിരുന്നു. പരിക്കേറ്റവരെ ആശുപത്രിയില് പ്രവേശിപ്പിച്ചു. ബസ്രയില് നിന്ന് ഗുനിയാല്ഗാവിലേക്ക് പോകുകയായിരുന്നു വാഹനം.
